ପାଟଣା: କେନ୍ଦୁଝର ଜିଲ୍ଲା କେନ୍ଦେଇପଶି–ପାଟଣା ରାସ୍ତାର ଭିମାପଡ଼ା ନିକଟରେ ଏକ ଦୁର୍ଘଟଣା ଘଟିଛି । ଟାଙ୍ଗରପଡା ସ୍ଥିତ ଭିମାପଡା ହାଟ ସାରି ଅଙ୍କୁରା ଗ୍ରାମର ଆନନ୍ଦ କାରୁଆ (୬୫) ଚାଲି ଚାଲି ଘରକୁ ଫେରୁଥିବା ବେଳେ କେନ୍ଦୁଝର ପଟୁ ଜଣେ ବାଇକ ଆରୋହୀ ତାଙ୍କୁ ହାଟ ନିକଟରେ ପଛପଟୁ ଶକ୍ତ ଧକ୍କା ଦେଇଥିଲା । ଫଳରେ ଆନନ୍ଦ କାରୁଆଙ୍କ ଗୋଡ଼ ଭାଙ୍ଗିଯିବା ସହ ସେ ଘଟଣାସ୍ଥଳରେ ପଡି ଯାଇଥିଲେ । ସ୍ଥାନୀୟ ଲୋକେ ଆନନ୍ଦଙ୍କୁ ଗୁରୁତର ଅବସ୍ଥାରେ ଦେଖି ପାଟଣା ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଁଞ୍ଚି ଗୁରୁତର ବୃଦ୍ଧକୁ ଉଦ୍ଧାର କରି ପାଟଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଇଥିଲେ । ସ୍ୱାସ୍ଥ୍ୟ କେନ୍ଦ୍ରରେ ଆନନ୍ଦଙ୍କ ଅବସ୍ଥା ଗୁରୁତର ହେବାରୁ ଡାକ୍ତର ତାଙ୍କୁ କେନ୍ଦୁଝର ମୁଖ୍ୟ ଚିକିତ୍ସାଳୟ ସ୍ଥାନାନ୍ତରିତ କରିଥିବା ବେଳେ ରାସ୍ତାରେ ଯିବା ବେଳେ ଢେଙ୍କିକୋଟ ନିକଟରେ ଆନନ୍ଦଙ୍କର ମୃତ୍ୟୁ ଘଟିଛି । ତେବେ ରୋଗୀ ଯାନ ତାଙ୍କୁ କେନ୍ଦୁଝର ଡାକ୍ତରଖାନା ନେଇଯାଇଥିବା ସୂଚନା ମିଳିଛି।
Popular Categories
Previous article
Next article