ସାଧାରଣତଃ ଆମେ ସମସ୍ତେ ତକିଆରେ ମୁଣ୍ଡ ଦେଇ ଶୋଇଥାଉ। ଆଉ କିଛି ଲୋକ ଏପରି ମଧ୍ୟ ଥାଆନ୍ତି ଯେଉଁମାନଙ୍କୁ ତକିଆ ନଦେଲେ ନିଦ ହିଁ ହୋଇନଥାଏ। ହେଲେ ବିଶେଷଜ୍ଞମାନଙ୍କ କହିବା ଅନୁସାରେ ଯେଉଁମାନେ ତକିଆ ନଦେଇ ଶୁଅନ୍ତି ସେମାନଙ୍କୁ ବହୁତ ଲାଭ ମିଳିଥାଏ। ତେବେ ଚାଲନ୍ତୁ ଜାଣିବା ବିନା ତକିଆରେ ଶୋଇବା ଦ୍ୱାରା ଆମକୁ କି ଲାଭ ମିଳିଥାଏ –
– ବିନା ତକିଆରେ ଶୋଇଲେ, ମୁହଁରେ ବ୍ରଣ ଉଠି ନଥାଏ । ଅପରପକ୍ଷରେ ତକିଆରେ ମୁଣ୍ଡ ଦେଇ ଶୋଇଲେ ବ୍ରଣ ହେବାର ଆଶଙ୍କା ଥାଏ।
– ବିନା ତକିଆରେ ଶୋଇବା ଦ୍ୱାରା ବୟସ ବଢିଲେ ମଧ୍ୟ ମୁହଁରେ ତା’ର ପ୍ରଭାବ ଦେଖଯାଏ ନାହିଁ । ଅର୍ଥାତ୍ ଆପଣଙ୍କ ମୁହଁର ଯୁବାପଣ ଅକ୍ଷୁର୍ଣ୍ଣ ରହିଥାଏ।
– ଯେଉଁମାନେ ବିନା ତକିଆରେ ଶୁଅନ୍ତି ସେମାନଙ୍କୁ ଭଲ ନିଦ ହୋଇଥାଏ ବୋଲି ବିଶେଷଜ୍ଞମାନେ ମତ ଦେଇଛନ୍ତି।
– ବିନା ତକିଆରେ ଶୋଇବା ଦ୍ୱାରା ବେକରେ ଯନ୍ତ୍ରଣା ଅନୁଭୂତ ହୋଇ ନଥାଏ । ଠିକ୍ ସେହିପରି ପିଠିରେ ମଧ୍ୟ ଯନ୍ତ୍ରଣା ହୁଏ ନାହିଁ। କାରଣ ବିନା ତକିଆରେ ଶୋଇଲେ ଆମର ବେକ ଠିକ୍ ଦିଗରେ ରହିଥାଏ। ଏହାଫଳରେ ପିଠିରେ କଷ୍ଟ ଅନୁଭୂତ ହୋଇ ନଥାଏ ।
– ତକିଆରେ ମୁଣ୍ଡ ନ ଦେଇ ଶୋଇଲେ ଆମ ହାଡ଼ ସଳଖ ରହିଥାଏ। ଏହା ଫଳରେ ସହଜରେ ଯନ୍ତ୍ରଣା ଅନୁଭୂତ ହୋଇ ନଥାଏ ଏବଂ ଆମେ ସୁସ୍ଥ ରହିଥାଉ। ଏପରି ଶୋଇଲେ ମାନସିକ ଉତ୍ତେଜନା ସହଜରେ ଦୂରୀଭୂତ ହୋଇଥାଏ। ଆମେ ତାଜା ଅନୁଭବ କରିଥାଉ। ନିଦ୍ରାହୀନତା ରୋଗର ଆଶଙ୍କା ମଧ୍ୟ ହ୍ରାସ ପାଇଥାଏ ।