ଚୌଦ୍ୱାର : ବିଜୁ ଜନତା ଦଳର ରାଜ୍ୟବ୍ୟାପି ପଦଯାତ୍ରା କାର୍ଯ୍ୟକ୍ରମ ଗାନ୍ଧୀ ଜୟନ୍ତୀ ଠାରୁ ଆରମ୍ଭ ହୋଇଛି। ଏହି ପରିପ୍ରେକ୍ଷିରେ ଆଠଗଡ ନିର୍ବାଚନ ମଣ୍ଡଳି ଟାଙ୍ଗୀ-ଚୌଦ୍ୱାର ବ୍ଲକ ୫ପଞ୍ଚାୟତ ମଧ୍ୟରୁ ମହିଁଷାଲଣ୍ଡା ପଂଚାୟତରେ ଶନିବାର ଦିନ ପଦଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସେକ୍ ସାହାଜାନଙ୍କ ସଭାପତିତ୍ୱରେ ଅନୁଷ୍ଠିତ ଏହି ପଦଯାତ୍ରାରେ ବିଜୁ ଜନତା ଦଳ କଟକ ଜିଲ୍ଲା ଉପସଭାପତି ନୃସିଂହ ଚରଣ ମହାପାତ୍ର, ସଂପାଦକ କେଶବ ଜେନା, ରାଜ୍ୟ ବିଜୁ ମହିଳା ସଂପାଦିକା ମିତାଲି ରାଉତ, ଜିଲ୍ଲାପରିଷଦ ବିଶ୍ୱଜିତ୍ ପ୍ରଧାନ, ବିଦ୍ୟାଧର ରାଉତ ପ୍ରମୁଖ ଅତିଥି ଭାବେ ଯୋଗଦେଇ ପଂଚାୟତର ବିଭିନ୍ନ ଗ୍ରାମକୁ ଯାଇ ଶାସକ ଦଳର ଜନହିତକର ଯୋଜନା ସଂପର୍କରେ ଲୋକମାନଙ୍କୁ ଅବଗତ କରାଇବା ସହିତ ଦଳକୁ ଆହୁରି ମଜବୁତ କରିବାକୁ ଆହ୍ୱାନ ଦେଇଥିଲେ। ପଂଚାୟତର ନିମଗିରି ପାହାଡ଼ ପାଦଦେଶରୁ ପଦଯାତ୍ରା ଆରମ୍ଭ ହୋଇ ଗହଣ୍ଡା ଗ୍ରାମରେ ଶେଷ ହୋଇଥିଲା ।
Comments are closed.