ଚୌଦ୍ୱାର : ଚୌଦ୍ୱାର ଓଟିଏମ କଲୋନୀ ସ୍ଥିତ ଗୋପବନ୍ଧୁ ଖେଳ ପଡିଆରେ ବ୍ଲକ ଆଥଲେଟିକ ମିଟ୍-୨୦୨୨ ଉଦଘାଟିତ ହୋଇଯାଇଛି। ଟାଙ୍ଗୀ-ଚୌଦ୍ୱାର ବ୍ଲକ କ୍ରୀଡା ସଂସଦ, ସ୍ୱାମୀ ବିବେକାନନ୍ଦ ସୋସିଆଲ ଡେଭଲମେଣ୍ଟ ସଂଘ ଓ ଶାଳଗାଁ ସ୍ଥିତ ଷ୍ଟାର କ୍ଲବ ମିଳିତ ଆନୁକୁଲ୍ୟରେ ଆୟୋଜିତ ଏହି କ୍ରୀଡା ଉତ୍ସବକୁ ଇମ୍ଫାର ଉପସଭାପତି ବିନୟ କୁମାର ଅଗ୍ରୱାଲ ଉଦଘାଟନ କରିଥିଲେ। କ୍ରୀଡାବିତ୍ ଅଶୋକ କୁମାର ସାହୁ, ଚାଣକ୍ୟ ଚିକିତ୍ସାଳୟର ମୁଖ୍ୟ ପରିଚାଳକ ପ୍ରଭାତ କୁମାର ସ୍ୱାଇଁ, କାଉନସିଲର ସୁବ୍ରତ କୁମାର ସାମଲ ,ସାମାଜୀକ କର୍ମୀ ଦିଲ୍ଲିପ କୁମାର ଛତାର, ବିଜୟ ସାହୁ, ଆଥଲେଟିକ ଆସୋସିଏନର ଅଶ୍ୱିନୀ କୁମାର ଜେନା, ଟୁକୁ ପ୍ରଧାନ ପ୍ରମୁଖ ଅତିଥି ଭାବେ ଯୋଗଦେଇ ପ୍ରତିଯୋଗୀ ମାନଙ୍କୁ ଉତ୍ସାହିତ କରିବା ସହିତ ପରିଶ୍ରମ ସଫଳତାର ମାପକାଠି ବୋଲି ମତବ୍ୟକ୍ତ କରିଥିଲେ। ୨ଦିନ ଧରି ଅନୁଷ୍ଠିତ ହେବାକୁ ଥିବା ଏହି କ୍ରୀଡା ଉତ୍ସବରେ ବ୍ଲକ ଓ ପୌରପାଳିକାର ପ୍ରାୟ ୧୨୦୦ରୁ ଉର୍ଦ୍ଧ ଛାତ୍ରଛାତ୍ରୀ ଲମ୍ବ ଡିଆଁ, ସଟଫୁଟ୍,ଜାଭଲିନ ଥ୍ରୋ, ଦୌଡ ଆଦି ପ୍ରତିଯୋଗିତାରେ ଅଂଶଗ୍ରହଣ କରିଛନ୍ତି । ଭୀମସେନ ବିଶ୍ୱାଳ, ମାନସ କୁମାର ପରିଡା, ଭାସ୍କର ମହାପାତ୍ର, କାହ୍ନୁ ଚରଣ ଜେନା, ଅମୂଲ୍ୟ ରାଉତରାୟ, ଅନ୍ତର୍ଯ୍ୟାମୀ ସାହୁ, ସୁଜିତ୍ ସାହୁଙ୍କ ସମେତ କର୍ମକର୍ତ୍ତା କାର୍ଯ୍ୟକ୍ରମ ପରିଚାଳନା କରିଥିଲେ ।
Popular Categories
Previous article
Next article