ରାୟଗଡା: ରାୟଗଡା ଜିଲ୍ଲା ଶିଶୁ ସୁରକ୍ଷା ୟୁନିଟ ତରଫରୁ କାଶୀପୁର ବ୍ଲକରେ ଶିଶୁ ବିକାଶ ପ୍ରକଳ୍ପ କାର୍ଯ୍ୟାଳୟ ଠାରେ ଏକ ଆଶୀର୍ବାଦ ଯୋଜନାର ଶିବିର ଆୟୋଜିତ ହୋଇଯାଇଛି। ଏହି କାର୍ଯ୍ୟକ୍ରମରେ ଆଶୀର୍ବାଦ ଯୋଜନାରେ କାଶୀପୁର ବ୍ଲକର ସଂପୃକ୍ତ ହୋଇଥିବା ପିଲାଙ୍କୁ ଆଇକାର୍ଡ ଏବଂ ପ୍ରମାଣପତ୍ର ପ୍ରଦାନ କରାଯାଇଛି। ଆର୍ଶୀବାଦ ଯୋଜନା ଘୋଷଣା ପରେ ଯେଉଁ ପିଲାମାନେ ୨୦୨୦ ମସିହା ଏପ୍ରିଲ ୧ରୁ ୨୦୨୧ ସେପ୍ଟେମ୍ବର ୧୫ ତାରିଖ ମଧ୍ୟରେ ଉଭୟ ପିତାମାତା, ପିତାମାତାଙ୍କ ମଧ୍ୟରୁ ଜଣଙ୍କୁ ହରାଇଥିବେ ସେହି ପିଲାମାନଙ୍କୁ ଆଶୀର୍ବାଦ ଯୋଜନାରେ ସାମିଲ କରାଯାଇଥିବା ସୂଚନା ମିଳିଛି। ଉଭୟ ପିତାମାତାଙ୍କୁ ହରାଇଥିବା ପିଲାଙ୍କୁ ୨୫୦୦ ଟଙ୍କା, ପିତାମାତଙ୍କ ମଧ୍ୟରୁ ଜଣଙ୍କୁ ହରାଇଥିବା ପିଲାଙ୍କୁ ୧୫୦୦ ଟଙ୍କା ଲେଖାଏଁ ଦିଆଯାଇଛି।ଏହି କାର୍ଯ୍ୟକ୍ରମକୁ ଜିଲ୍ଲା ଶିଶୁ ସୁରକ୍ଷା ୟୁନିଟ ତରଫରୁ ସତ୍ୟପ୍ରିୟା ପ୍ରଧାନ, ରଶ୍ମିତା ସାବତ, ରଜ୍ଜିଂତ ମାଝୀ, ପ୍ରମୋଦ କୁମାର ନାଏକଙ୍କ ସହ ଶିଶୁ ବିକାଶ ପ୍ରକଳ୍ପର କର୍ମଚାରି ମାନେ ଊପସ୍ଥିତ ଥିଲେ।
Popular Categories
Previous article
Next article