କାମାକ୍ଷାନଗର: କାମାକ୍ଷାନଗର ଥାନା ଅନ୍ତର୍ଗତ ଇନ୍ଦିପୁର ଗାଁର ସନିକଟ ରାମିଆଳ ନଦୀରେ ଜଣେ ଯୁବକ ବୁଡ଼ିଯାଇ ତାଙ୍କର ମୃତ୍ୟୁ ଘଟିଛି । ନଦୀରେ ଗାଧୋଉଥିବା ସମୟରେ ବୁଡ଼ିଯାଇ ଯୁବକ ଜଣକ ପ୍ରାଣ ହରାଇଛନ୍ତି l ମୃତ ଯୁବକ ଜଣକ ହେଉଛନ୍ତି ଇନ୍ଦିପୁର ଗ୍ରାମର ଶତ୍ରୁଘ୍ନ ସେଠୀଙ୍କ ପୁଅ ସୁଶାନ୍ତ ସେଠୀ(୪୫) | ସୁଶାନ୍ତ ଆଜି ସକାଳେ ନିକଟବର୍ତ୍ତୀ ରାମିଆଳ ନଦୀକୁ ଗାଧୋଇବାକୁ ଯାଇଥିବା ବେଳେ, ଅସାବଧାନତା କାରଣରୁ ପାଦ ଖସି ଯିବାରୁ ସେ ବୁଡ଼ି ଯାଇଥିବା ସନ୍ଦେହ କରାଯାଉଛି | ସ୍ଥାନୀୟ ଲୋକ ଦେଖିବା ପରେ ଏନେଇ ପୁଲିସକୁ ଖବର ଦେଇଥିଲେ | ଖବର ପାଇ ପୁଲିସ ଓ ଅଗ୍ନିଶମ ବାହିନୀ ପହଞ୍ଚି ମୃତଦେହକୁ ଉଦ୍ଧାର କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇ ଅଧିକ ତଦନ୍ତ ଜାରି ରଖିଛନ୍ତି | ଖବର ପ୍ରଚାରିତ ହେବା ପରେ ଗାଁରେ ଶୋକର ଛାୟା ଖେଳିଯାଇଛି |
Popular Categories
Previous article
Next article