ଚୌଦ୍ୱାର : ବନ୍ଦ ଓଟିଏମର ଆଉ ୯ଜଣ ଶ୍ରମିକଙ୍କର ଗତ ଦୁଇ ସପ୍ତାହ ମଧ୍ୟରେ ମୃତ୍ୟୁ ଘଟିଛି। ସେମାନେ ହେଲେ ଚୌଦ୍ୱାର ପୌରପାଳିକା ୧୧ ନମ୍ବର ୱାର୍ଡ଼ର ଏସ୍.ଏଚ୍.ରାଓ(୭୫), ୮ନମ୍ବର ୱାର୍ଡ଼ର ଗଣେଶ୍ୱର ବାରିକ(୭୦), ୨ନମ୍ବର ୱାର୍ଡ଼ର କୈଳାସ ପରିଡ଼ା(୭୫), ସନ୍ତୋଷ ନାୟକ(୫୦) ଓ ଶରତ କୁଅଁର(୬୫), ମୁଣ୍ଡମାଳର ଅର୍ଜୁନ କର(୭୨) ଓ ସନାତନ ବେହେରା(୬୫) , ଜଗତପୁରର ପ୍ରଦୀପ ଜେନା(୬୫) ଏବଂ ଧୃବ ଚରଣ ସ୍ୱାଇଁ(୬୮) । ଏମାନଙ୍କ ମୃତ୍ୟୁ ପରେ ମୃତ ଶ୍ରମିକ ଓ କର୍ମଚାରୀଙ୍କ ସଂଖ୍ୟା ୭୩୯ରେ ପହଞ୍ଚିଛି । ଓଟିଏମ୍ ଶ୍ରମିକ ଓ କର୍ମଚାରୀ ମାନଙ୍କ ବକେୟା ପ୍ରାପ୍ୟ ପ୍ରଦାନ କରିବା ପାଇଁ ଉଚ୍ଚ ନ୍ୟାୟଳୟ ନିର୍ଦେଶ ଦେବା ପରେ ଏଦିଗରେ ସରକାର ପ୍ରକ୍ରିୟା ଅରମ୍ଭ କରି ବକେୟା ପ୍ରାପ୍ୟ ପ୍ରଦାନ ପାଇଁ ଶୀଘ୍ର ପଦକ୍ଷେପ ନେବାର ବ୍ୟବସ୍ଥା କରୁଥିବାବେଳେ ଏହି ମୃତକ ମାନେ ଏହି ସୁଫଳ ଭୋଗ କରି ପାରିଲେ ନାହିଁ ବୋଲି ଶ୍ରମିକ ସଂଗଠନର ନେତା ବିଭୂ ପ୍ରସାଦ ରଥ କ୍ଷୋଭର ସହ ପ୍ରକାଶ କରିଛନ୍ତି ।
Comments are closed.