ଭୋପାଳ : ମଧ୍ୟପ୍ରଦେଶରେ ଗୁରୁବାର ବିଳମ୍ବିତ ରାତିରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏକ କାର ଓ ବସ୍ ମଧ୍ୟରେ ଏହି ଦୁର୍ଘଟଣା ଘଟି ୧୧ ଜଣ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ଜଣଙ୍କ ଅବସ୍ଥା ଗୁରୁତର ରହିଛି । ଏହି ଦୁର୍ଘଟଣା ବୈତୁଲ ଜିଲାର ଝଲ୍ଲାର ଥାନା ନିକଟରେ ଘଟିଛି । ବିଳମ୍ବିତ ରାତି ପ୍ରାୟ ୧ଟା ୩୦ରେ ଏହି ଦୁର୍ଘଟଣା ଘଟିଛି । ମୃତକଙ୍କ ମଧ୍ୟରେ ପାଞ୍ଚ ଜଣ ପୁରୁଷ, ୪ ମହିଳା ଓ ୨ ଜଣ ଶିଶୁ ମଧ୍ୟ ରହିଛନ୍ତି । ଦୁର୍ଘଟଣା ପରେ ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚି ମୃତାହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ ।
ସୂଚନା ଅନୁଯାୟୀ, ଉକ୍ତଯାତ୍ରୀମାନେ ଅମରାବତୀର ଏକ ଗାଁରୁ ବୈତୁଲର ଝଲ୍ଲାରରୁ ୨୦ ଦିନ ପୂର୍ବରୁ କାମ କରିବାକୁ ଯାଇଥିଲେ । ସମସ୍ତେ ଗୁରୁବାର ରାତି ପ୍ରାୟ ୯ଟାରେ ଅମରାବତୀରୁ ଝଲ୍ଲାର ପାଇଁ ଯାଇଥିଲେ । ବିଳମ୍ବିତ ରାତିରେ ଚାଳକର ଆଖି ଲାଗିଯିବାରୁ କାର ସହ ବସର ଧକ୍କା ହୋଇଥିଲା । ଦୁର୍ଘଟଣା ଖୁବ ଜୋରରେ ହୋଇଥିବାରୁ ଘଟଣା ସ୍ଥଳରେ ହିଁ ୧୧ ଜଣଙ୍କ ମୃତ୍ୟୁ ହୋଇଥିଲା ।
Comments are closed.