ଛତ୍ରପୁର : ପୁରୁଷୋତମପୁର ଋଷିକୂଲ୍ୟା ନଦୀରେ ଗାଧୋଇବା ବେଳେ ଦୁଇ ଦିନ ତଳେ ଭାସି ଯାଇ ନିଖୋଜ ଥିବା ନାବାଳକ କୃଷ୍ଣ ମହାନ୍ତିଙ୍କ ମୃତଦେହ ଛତ୍ରପୁର ବ୍ଲକ ମାଧପୁର ବାଲି ଘାଟ ନିକଟରେ ଉଦ୍ଧାର ହୋଇଛି। ଛତ୍ରପୁର ଅଗ୍ନିଶମ ବିଭାଗ ଉଦ୍ଧାର କରିଛି ।
ସୂଚନା ଅନୁସାରେ ୨୫ ତାରିଖରେ ଷୋଳଘର ଗ୍ରାମର କାହ୍ନୁ ମହାନ୍ତି (୧୩ ବର୍ଷ) ଓ କୃଷ୍ଣ ମହାନ୍ତି (୧୫ବର୍ଷ) ଋଷିକୂଲ୍ୟ ନଦୀକୁ ଗାଧୋଇବା ପାଇଁ ଯାଇଥିଲେ । ଏହି ସମୟରେ ସାନ ଭାଇ ନଦୀ ସ୍ରୋତରେ ଭାସି ଯାଉଥିଲା ସମୟରେ ବଡ଼ ଭାଇ କୃଷ୍ଣ ତାକୁ ଉଦ୍ଧାର କରିବାକୁ ଯାଇ ଭାସି ଯାଇଥିଲେ । ଦୁହେଁ ଭାସି ଯାଉଥିଲା ବେଳେ ଜଣେ ମହିଳା ସାନ ଭାଇ କାହ୍ନାକୁ ଉଦ୍ଧାର କରିଥିଲା ବେଳେ ବଡ଼ଭାଇ କୃଷ୍ଣ ନିଖୋଜ ହୋଇଯାଇଥିଲେ । ଅଗ୍ନିଶମ ବିଭାଗ ଓ ଓଡ୍ରାଫ ଟିମ ବୋଟସାହାଯ୍ୟରେ ଖୋଜା ଖୋଜି କରୁଥିଲେ ମଧ୍ୟ କୌଣସି ପତ୍ତା ମିଳିନଥିଲା । ଆଜି ସକାଳୁ ତାଙ୍କ ମୃତଦେହ ମାଧପୁର ବାଲି ଘଟରେ ଭାସୁଥିବା ବେଳେ ଅଗ୍ନିଶମ ବିଭାଗ ଉଦ୍ଧାର କରିଛି ।
Comments are closed.