ବୌଦ୍ଧ: ୱା.ସି. ଡି.ଏ ସ୍ଵେଚ୍ଛାସେବୀ ଅନୁଷ୍ଠାନ ବାଉଁସୁଣୀ ପକ୍ଷରୁ ଯାଯାବର (ନନ୍ଦନବନ) ବୀରନରସିଂହପୁର, ହରଭଙ୍ଗା ବ୍ଲକ ଠାରେ ଷ୍ଟାର ସ୍କୁଲ ଦ୍ଵାରା ଆୟୋଜିତ ତିନି ଦିନିଆ ଶୀତକାଳୀନ ଶିବିରର ଶୁଭାରମ୍ଭ ହୋଇଛି । ଉକ୍ତ କାର୍ଯ୍ୟକ୍ରମରେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ଅଶ୍ଵିନୀ କୁମାର ମେହେର, ଗୋଷ୍ଠୀ ଶିକ୍ଷା ଅଧିକାରୀ ଧ୍ରୁବ ଚରଣ ଘିବିଲା, ଜିଲ୍ଲା ଶିଶୁ ସୁରକ୍ଷା ଅଧିକାରୀ ରାହୁଲ ପ୍ରଧାନ, ଶିଶୁ ମଙ୍ଗଳ ସମିତିର ଅଧ୍ୟକ୍ଷ ସାକ୍ଷୀ ଗୋପାଳ ପ୍ରଧାନ, ଜନଶିକ୍ଷଣ ସଂସ୍ଥାନର ସଂଯୋଜକ ଅରୁଣ କୁମାର ପ୍ରଧାନ ସରପଞ୍ଚ ବୀରନରସିଂହପୁର, ରାଧାନଗର ଏବଂ ମଥୁରା ପ୍ରମୁଖ ଉପସ୍ଥିତି ରହି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଉକ୍ତ କାର୍ଯ୍ୟକ୍ରମରେ ଉପସ୍ଥିତ ଥିବା ଅତିଥି ଶିଶୁ ମାନଙ୍କ ବିକାଶ ନିମନ୍ତେ ଗ୍ରାମାଞ୍ଚଳରେ ଲୁକାୟିତ ଅବସ୍ଥାରେ ଥିବା ପ୍ରତିଭାକୁ କିଭଳି ଭାବରେ ପରିପ୍ରକାଶ କରାଯାଇ ପାରିବ ସେ ନେଇ ବିସ୍ତୃତ ଭାବରେ ଆଲୋଚନା କରାଯାଇ ବିଭିନ୍ନ ପ୍ରକାରର କାର୍ଯ୍ୟକଳାପ ଏବଂ ଖେଳ ମାଧ୍ୟମରେ ଶିକ୍ଷଣ ପରିବେଶ ସୃଷ୍ଟି କରାଯାଇଥିଲା ଉକ୍ତ କାର୍ଯ୍ୟକ୍ରମକୁ ବବିନା ନାଏକ ସ୍ବାଗତ ଭାଷଣ ଦେଇ କାର୍ଯ୍ୟକ୍ରମଟିକୁ ସୁଚାରୁ ରୂପେ ପରିଚାଳନା କରିଥିଲେ ଏବଂ ୱା.ସି.ଡି ଏ କର୍ମୀ କେଶବ ଜେନା, ସନ୍ଧ୍ୟାରାଣୀ ସାହୁ, ନିର୍ମଳ ଗିରି ସହଯୋଗ କରିଥିଲେ ।
Comments are closed.