ଗୋପାଳପୁର : ଥାନା ଠାରୁ କିଛି କିଛି ଦୂରରେ ଥିବା ଏକ ଢ଼ାବା ପଛପଟେ ଦୀର୍ଘ ଦିନ ହେଲା ଚାଲିଥିବା ଜୁଆ ଆଡ୍ଡାରେ ଗୋଳନ୍ଥରା ପୁଲିସ ଚଢ଼ଉ କରିଛି। ସେଠାରୁ ୯ ଜଣ ଜୁଆଡ଼ିଙ୍କୁ ଗିରଫ କରିବା ସହ ସେମାନଙ୍କ ଠାରୁ ୩୦ହଜାର ୩୦ ଟଙ୍କା ଏବଂ ଖେଳ ସାମଗ୍ରୀ ଜବତ କରିଥିବା ଗୋଳନ୍ଥରା ଥାନାଧିକାରୀ ବିବେକାନନ୍ଦ ମହନ୍ତ ସୂଚନା ଦେଇଛନ୍ତି। ମିଳିଥିବା ସୂଚନା ଅନୁଯାଇ,ଗତକାଲି ବିଳମ୍ବିତ ରାତିରେ ଗୋଳନ୍ଥରା ଥାନା ଏସଆଇ ଅଭିଷେକ ପାଣ୍ଡବ ପାଟ୍ରୋଲିଙ୍ଗ କରୁଥିବା ବେଳେ ଏକ ଢ଼ାବା ହୋଟେଲ ପଛପଟେ ଥିବା ଘରେ ଜୁଆ ଖେଳ ଚାଲିଥିବା ଜାଣିବାକୁ ପାଇଥିଲେ। ଚଢ଼ଉ ସମୟରେ କିଛି ଜୁଆଡ଼ି ଘଟଣା ସ୍ଥଳରୁ ଚମ୍ପଟ ମାରିଥିବା ବେଳେ ୯ ଜଣଙ୍କୁ କାବୁ କରି ନଗଦ ତିରିଶ ହଜାର ତିରିଶ ଟଙ୍କା ଜବତ କରିବା ସହ ସମସ୍ତଙ୍କୁ ଗିରଫ କରିଥିଲେ।
Comments are closed.