ଟିଟିଲାଗଡ଼: ରାଜ୍ୟ ସରକାରଙ୍କ ବିଭିନ୍ନ ବିଭାଗରେ କାର୍ଯ୍ୟ କରୁଥିବା ୫୭ ହଜାର କର୍ମଚାରୀଙ୍କୁ ସ୍ଥାୟୀ ଘୋଷଣା କରାଗଲା। ହେଲେ ଦୀର୍ଘ ୨୭ ବର୍ଷ ଧରି ଜଳଯୋଗାଣ ଭଳି ଜରୁରୀ କାର୍ଯ୍ୟରେ ନିୟୋଜିତ କର୍ମଚାରୀଙ୍କୁ ସରକାର ସ୍ଥାୟୀ ନକରିବା ନେଇ ଅସନ୍ତୋଷ ସୃଷ୍ଟି ହୋଇଛି। ଏନେଇ ସୋମବାର ଟିଟିଲାଗଡ଼ ଜନସ୍ୱାସ୍ଥ୍ୟ ବିଭାଗରେ କାର୍ଯ୍ୟରତ କର୍ମଚାରୀ ଉପଜିଲ୍ଲାପାଳ ମନୋଜ ସତ୍ୟୱାନ ମହାଜନଙ୍କୁ ଦାବି ପତ୍ର ପ୍ରଦାନ କରିଛନ୍ତି। ଟିଟିଲାଗଡ଼ର ୫୦ ଡିଗ୍ରୀ ଖରାରେ ଦିନକୁ ପ୍ରାୟ ୧୮ ଘଣ୍ଟା ପରିଶ୍ରମ କରି ବଳ ଭାଙ୍ଗିଗଲାଣି। ଅନ୍ୟପଟରେ ଭବିଷ୍ୟତ ଅନ୍ଧକାର ହୋଇ ପଡିଛି। କିନ୍ତୁ ସରକାର ଏହି ବିଷୟରେ କୌଣସି ବିଚାର କରୁନାହାନ୍ତି। ଆସନ୍ତା ୭ ଦିନ ମଧ୍ୟରେ ଏନେଇ ଯଥୋଚିତ ବିଚାର କରା ନଗଲେ କର୍ମଚାରୀ ଆନ୍ଦୋଳନାତ୍ମକ ପନ୍ଥା ଗ୍ରହଣ ସହ ଟିଟିଲାଗଡ଼ ପୌରାଞ୍ଚଳରେ ଜଳଯୋଗାଣ କାର୍ଯ୍ୟରୁ ବିରତ ରହିବେ ବୋଲି ଚେତାବନୀ ଦେଇଛନ୍ତି।
Comments are closed.