ପାଟଣା: କେନ୍ଦୁଝର ସାଂସଦ ଚନ୍ଦ୍ରାଣୀ ମୁର୍ମୁ ଓ ପାଟଣା ବିଧାୟକ ଜଗନ୍ନାଥ ନାଏକଙ୍କ ଉପସ୍ଥିତିରେ ଗତ ୨୦୨୧ ପ୍ରଥମାର୍ଦ୍ଧରେ ଜଡିଚାତର ଠାରୁ ମହିଁଷାମଣ୍ଡି ଭାୟା ବଡ଼ଗହ୍ମାରିଆ ରାସ୍ତାର ଶିଳାନ୍ୟାସ ଧୁମଧାମରେ ହୋଇଥିଲା । ଉଭୟ ସାଂସଦ ଓ ବିଧାୟକ ପଞ୍ଚାୟତ ନିର୍ବାଚନ ପ୍ରଚାର ସୁବିଧା ପାଇଁ ରାସ୍ତା କାମ ଯଥା ସମୟରେ ସାରିବା ପାଇଁ ଉପସ୍ଥିତ ଠିକାଦାରଙ୍କୁ ମଧ୍ୟ ନିର୍ଦ୍ଦେଶ ଦେଇଥିଲେ । ହେଲେ କାର୍ଯ୍ୟ ଆରମ୍ଭ ୨୦୨୧ ମାର୍ଚ୍ଚ ୨୩ରୁ ୨୦୨୨ ଫେବ୍ରୁଆରୀ ୨୨ ସୁଧା କାମ ସାରିବା ପରିବର୍ତ୍ତେ ଇତି ମଧ୍ୟରେ ଦେଢ଼ ବର୍ଷ ବିତିଗଲାଣି । ହେଲେ ରାସ୍ତା କାମ ସରିପାରୁନାହିଁ । ଜଡିଚାତର ଠାରୁ ଚାକୁଣ୍ଡାପାଳ ମଧ୍ୟରେ ଏକ ପୋଲ କାମ ସରିପାରୁନଥିବାରୁ ଏହାର ଡାଇଭରସନ ରାସ୍ତା ମରଣ ଯନ୍ତା ପାଲଟିଛି । ଯାହା ଫଳରେ ବର୍ଷା ଦିନେ ଲୋକେ ବ୍ୟାପକ ଅସୁବିଧାର ସମ୍ମୁଖିନ ହେଉଛନ୍ତି। ଯଥା ଶୀଘ୍ର ଏହି କାମ ସାରିବାକୁ ଅଞ୍ଚଳବାସୀ ଦାବି ଜଣାଇଛନ୍ତି।
Comments are closed.