ନାସିକ୍ : ମହାରାଷ୍ଟ୍ରର ନାସିକ୍ରୁ ଆଜି ଏକ ଦୁଖଃଦ ଘଟଣା ସାମ୍ନାକୁ ଆସିଛି। ଟ୍ରକ ସହ ଧକ୍କା ହେବା ପରେ ଏକ ବସ୍ରେ ଭୀଷଣ ନିଆଁ ଲାଗି ୧୧ ଜଣ ଜୀବନ୍ତ ଦଗ୍ଧ ହୋଇଛନ୍ତି। ମୃତକଙ୍କ ମଧ୍ୟରେ ଜଣେ ଶିଶୁ ରହିଥିବା ନେଇ ଖବର ମିଳିଛି। ପୁଣେକୁ ଯାଉଥିବା ଏହି ବସଟିରେ ନାସିକ-ଔରଙ୍ଗାବାଦ ରାସ୍ତାରେ ଟ୍ରକ ସହ ଧକ୍କା ହେବା ପରେ ନିଆଁ ଲାଗି ଯାଇଥିଲା। ଖବର ପାଇ ନାସିକ୍ ପୁଲିସ ଓ ଉଦ୍ଧାରକାରୀ ଦଳ ତୁରନ୍ତ ଘଟଣା ସ୍ଥଳରେ ପହଞ୍ଚିଥିଲେ। ପୁଲିସ କହିବାନୁଯାୟୀ, ମୃତଦେହ ଓ ଆହତଙ୍କୁ ହସ୍ପିଟାଲ ଅଣାଯାଇଥିଲା।
ଦୁର୍ଘଟଣା ବିଷୟରେ ଜାଣିବା ପରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଗଭୀର ଦୁଃଖ ପ୍ରକାଶ କରିଛନ୍ତି। ମୃତକଙ୍କ ପରିଜନଙ୍କ ପାଇଁ ୫ ଲକ୍ଷ ଲେଖାଏଁ ସହାୟତା ରାଶି ଘୋଷଣା କରିଛନ୍ତି। ଘଟଣା ସଠିକ ତଦନ୍ତ ପାଇଁ ମଧ୍ୟ ନିର୍ଦ୍ଦେଶ ଦେଇଛନ୍ତି।
ଭୋର ପ୍ରାୟ ୫ଟା ସମୟରେ ଏକ ଟ୍ରକ ସହ ଧକ୍କା ହେବା ପରେ ନାସିକର ଔରଙ୍ଗାବାଦ ରାସ୍ତାରେ ବସରେ ନିଆଁ ଲାଗି ଯାଇଥିଲା। ଦମକଳ କର୍ମଚାରୀ ପହଞ୍ଚିବା ପରେ ନିଆଁକୁ କାବୁ କରିଥିଲେ।
Comments are closed.