କାମାକ୍ଷାନଗର: କାମାକ୍ଷାନଗର ଉପଖଣ୍ଡର ଭୁବନ ଥାନା ଅନ୍ତର୍ଗତ ଏକତାଳି ପଞ୍ଚାୟତ ଚନ୍ଦାର ଗ୍ରାମ ନିକଟରେ ଥିବା ଖେଳପଡ଼ିଆର ପଶ୍ଚିମ ପାର୍ଶ୍ୱରେ ୪୦ ଟନରୁ ଊର୍ଦ୍ଧ୍ବ ଚୋରା କୋଇଲା ପଡ଼ିରହିଛି। ଗ୍ରାମବାସୀମାନେ ଶୌଚ ହେବାକୁ ଆସିବା ବେଳେ ଖୋଲା ପଡିଆରେ କୋଇଲା ପଡ଼ିଥିବା ଦେଖିବାକୁ ପାଇଥିଲେ। ଭୁବନ ଅଞ୍ଚଳ ଦଶ ଗୋଟି ସ୍ଥାନରେ ଚୋରା କୋଇଲା ବ୍ୟବସାୟ କରାଯାଉଥିବା ଅଭିଯୋଗ ହୋଇଛି। ତାଳଚେର ଖଣି କାର୍ଯ୍ୟାଳୟ ଅଧୀନରେ ରହିଥିବା ଏହି କୋଇଲା ଡିପୋଗୁଡିକୁ ସୁରକ୍ଷା ଯୋଗାଉଛି କିଏ ? ଢେଙ୍କାନାଳ ଜିଲ୍ଲାରେ କୋଇଲାର ବ୍ୟବସାୟ କିଭଳି ପୁଲିସ ଓ ଖଣି ବିଭାଗ ଜ୍ଞାତସାରରେ ହୁଏ ତାହା ସଦର ଥାନାଅଧିକାରୀ ଅଭିନଵ ଡାଳୁଆଙ୍କଠାରୁ ପ୍ରମାଣିତ। ଜାତୀୟ ରାଜପଥ ୫୩ର ମଠକରଗୋଳା, ଶାମଳ, ନୂଆଭୁବନ, ଭଦଳିଆପସି, ନଟାକଟା, ଛାଟଖମ୍ବ, ଗମରଗୋଳ ଆଦି ସ୍ଥାନରେ ଦୈନିକ ଏହି ଚୋରା କୋଇଲା ବାଲେଶ୍ୱର କଳିଙ୍ଗ ନଗର ଯାଉଥିବା ଟ୍ରକରୁ ଅନଲୋଡ଼ ହେଉଛି। ରାତାରାତି କୋଇଲାକୁ ବିଭିନ୍ନ ସ୍ଥାନକୁ ଟ୍ରାକ୍ଟର ଓ ଟ୍ରକ ଯୋଗେ ପଠାଯାଉଛି। ଆଜି ଚନ୍ଦାରଠାରେ ଠାବ କରାଯାଇଥିବା କୋଇଲାର ଟ୍ରକ କାଦୁଆ ମାଟିରେ ପଶି ଯିବାରୁ ଟ୍ରକ ଆଗକୁ ଯାଇପାରିନଥିଲା। ତେବେ ରାତାରାତି କୋଇଲାକୁ ଅନଲୋଡ କରାଯାଇ ଟ୍ରକକୁ ଲୁଚାଇ ରଖାଯାଇଥିବାରୁ କୋଇଲାର ମାଲିକାନା ନେଇ ସନ୍ଦେହ ପ୍ରକାଶ ପାଇଛି। ଭୁବନ ପୁଲିସ କୋଇଲାକୁ ଜବତ କରି ଖଣି ବିଭାଗକୁ ସୂଚନା ଦେଇଛି।
Popular Categories
Previous article
Next article