ପାତ୍ରପୁର: ବାହୁଦା ନଦୀର କେ ନୂଆଗାଁ ଉପରମୁଣ୍ଡ ନିକଟରେ ନିର୍ମିତ କଳିଙ୍ଗଦଳା ପ୍ରକଳ୍ପ ପାଣି ତଳ ଅଂଶରେ ପହଞ୍ଚିବା ପରେ ଚାଷୀ ମହଲରେ ଆନନ୍ଦ ପ୍ରକାଶ ପାଇଛି। କଳିଙ୍ଗଦଳା ପ୍ରକଳ୍ପରୁ ବହୁଦା କେନାଲ ମାଧ୍ୟମରେ ପାତ୍ରପୁର ଦେଇ ବି ନୂଆଗାଁ ପଞ୍ଚାୟତ ପର୍ଯ୍ୟନ୍ତ ପ୍ରାୟ ୨୫ କିଲୋମିଟର କେନାଲ ରହିଛି। ଏହି କେନାଲ ମାଧ୍ୟମରେ ଖରିଫ ଋତୁରେ ଚିକିଟି ଏବଂ ପାତ୍ରପୁର ବ୍ଳକର ୩୩୭୮ହେକ୍ଟର ଜମିକୁ ଚାଷ ପାଇଁ ପାଣି ମିଳୁଛି। ତେବେ କେନାଲ ଶେଷ ଅଂଶ ୨୫ କିଲୋମିଟର ଦୂରରେ ବି ନୂଆଗାଁ ପଞ୍ଚାୟତର ଜମି ରହିଛି। ଚଳିତ ବର୍ଷ ବିଳମ୍ବରେ ବର୍ଷାଯୋଗୁଁ ଏବେ ଅଞ୍ଚଳରେ ଧାନ ରୁଆ ଚାଲିଛି। ତେବେ ବି ନୂଆଗାଁ ପଞ୍ଚାୟତକୁ ଯାଇଥିବା କେନାଲର ଶେଷ ଅଂଶର ପଥରେ କେତେକ କାରଣରୁ ବିଗତ ଦୁଇ ବର୍ଷ ହେଲା ଠିକ ଭାବେ ପାଣି ମିଳି ପାରିନଥିବା ଅଭିଯୋଗ ହେଉଥିଲା। ଯାହାରି ଫଳରେ ଜମି ପଡିଆ ପଡୁଥିବା ଅଭିଯୋଗ ହେଉଥିଲା। ଏହାକୁ ଦେଖି ଜଳସେଚନ ବିଭାଗ ଚଳିତ ବର୍ଷ ପାଣି ପହଞ୍ଚାଇବାକୁ ଉଦ୍ୟମ କରିଥିଲେ। ଯାହା ଫଳରେ କେନାଲରେ ତଳ ଅଂଶକୁ ପାଣି ପହଞ୍ଚିବା ଫଳରେ ପାଞ୍ଚରୁ ଊର୍ଦ୍ଧ୍ବ ଗ୍ରାମର ୨୫୦ ହେକ୍ଟର ଜମି ଜଳସେଚିତ ହୋଇପାରିବ ବୋଲି ଚିକିଟି ଖଣ୍ଡ ଜଳସେଚନ ବିଭାଗ ଅଧିକ୍ଷଣ ଯନ୍ତ୍ରୀ ସଂଜୀବ କୁମାର ଦାସ ଶର୍ମା କହିଛନ୍ତି।
Popular Categories
Previous article
Next article