ନୂଆଦିଲ୍ଲୀ: ଆସନ୍ତା ସପ୍ତାହରୁ ନ୍ୟୁୟର୍କରେ ଆରମ୍ଭ ହେଉଥିବା ଗ୍ରାଣ୍ଡସ୍ଲାମ୍ ଟେନିସ ଟୁର୍ଣ୍ଣାମେଣ୍ଟ ୟୁଏସ୍ ଓପନ୍ରୁ ଭାରତୀୟ ତାରକା ଖେଳାଳି ସାନିଆ ମିର୍ଜା ଓହରି ଯାଇଛନ୍ତି । ତାଙ୍କ ମାସଂପେଶୀରେ ଆଘାତ ଲାଗିଥିବାରୁ ସାନିଆ ଏପରି ନିଷ୍ପତ୍ତି ନେଇଛନ୍ତି । ୩୫ ବର୍ଷ ବୟସ୍କା ସାନିଆ ଚଳିତବର୍ଷ ପ୍ରାରମ୍ଭରେ ଘୋଷଣା କରିଥିଲେ ଯେ ୨୦୨୨ ଋତୁ ପରେ ସେ ଟେନିସ୍ରୁ ଅବସର ନେଇଯିବେ। ତେଣୁ ବର୍ଷର ଅନ୍ତିମ ଗ୍ରାଣ୍ଡସ୍ଲାମ୍ ଟୁର୍ଣ୍ଣାମେଣ୍ଟରୁ ଓହରିଯିବା କାରଣରୁ ଏହା ସ୍ପଷ୍ଟ ହୋଇଯାଇଛି ଯେ ସାନିଆ ଜୀବନରେ ଆଉ କୌଣସି ଗ୍ରାଣ୍ଡସ୍ଲାମ୍ ଖେଳିବେ ନାହିଁ । ୟୁଏସ୍ ଓପନ୍ ଅଗଷ୍ଟ ୨୯ରୁ ଆରମ୍ଭହୋଇ ସେପ୍ଟେମ୍ବର ୧୧ ପର୍ଯ୍ୟନ୍ତ ଚାଲିବ । ଗ୍ରାଣ୍ଡସ୍ଲାମ୍ରେ ସାନିଆ ୩ଟି ଲେଖାଏଁ ମହିଳା ଡବଲ୍ସ ଓ ମିକ୍ସଡ୍ ଡବଲ୍ସ ସହ ମୋଟ ୬ଟି ଗ୍ରାଣ୍ଡସ୍ଲାମ୍ ଟାଇଟଲ ଜିତିଛନ୍ତି।
Comments are closed.