ଗୋପାଳପୁର: ଗୋଳନ୍ଥରା ପୁଲିସ ପକ୍ଷରୁ ଗତ ୨ ତାରିଖରେ ଚୋରି ଅଭିଯୋଗରେ ୪ ଜଣିଆ ଚୋରା ଦଳକୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଗତକାଲି ଗୋଳନ୍ଥରା ପୁଲିସ ଫେରାର ଥିବା ଅନ୍ୟ ଜଣେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ଜଣଙ୍କ କନିସି ହାଟ ଅଞ୍ଚଳର ଲକ୍ଷ୍ମୀ କାନ୍ତ ମହାରଣା ବୋଲି ପୁଲିସ ସୂଚନା ଦେଇଛି । ଅଭିଯୋଗ ଅନୁଯାୟୀ ଗତ ଏପ୍ରିଲ ୩ ତାରିଖରେ ଗୋଷାଣୀ ନୂଆଗାଁ ଥାନା ଅର୍ନ୍ତଗତ ନେହରୁ ନଗର ୨ୟ ଲେନ ନିବାସୀ ବସନ୍ତ କୁମାର ପଣ୍ଡାଙ୍କ ଦୂବପଲ୍ଲୀ ଠାରେ ନିର୍ମାଣଧୀନ କୋଠା ପରିସରରୁ ତାଲା ଭାଙ୍ଗି ଗୋଟିଏ ଲୁହାଗ୍ରିଲ ଓ ଦୁଇଟି ପାଣି ପମ୍ପ ଚୋରି ଯାଇଥିବା ନେଇ ଥାନାରେ ଲିଖିତ ଅଭିଯୋଗ କରିଥିଲେ।
ଏହାକୁ ପୁଲିସ ପକ୍ଷରୁ ତଦନ୍ତ ଜାରି ରହିଥିଲା । ଏହା ମଧ୍ୟରେ ପୁଲିସ ପକ୍ଷରୁ ଘରକାମରେ ନିୟୋଜିତ ରହିଥିବା ମିସ୍ତ୍ରୀ ନିରଞ୍ଜନ ସେଠୀକୁ ପୁଲିସ ସନ୍ଦେହରେ ଆଣି ପଚରାଉଚରା କରିବା ସମୟରେ ସେ ଓ ତାହାର କିଛି ସାଙ୍ଗ ମିଶି ଚୋରି କରିଥିବା ସ୍ବିକାର କରିଥିଲା । ଏହାକୁ ଆଧାର କରି ପୁଲିସ ପକ୍ଷରୁ ସୋମବାର ରାତିରେ ବିଭିନ୍ନ ସ୍ଥାନରେ ଚଢ଼ାଉ କରି ୩ ଜଣ ଅଭିଯୁକ୍ତଙ୍କୁ ଗିରଫ କରିବା ସହ ସେମାନଙ୍କ ଠାରୁ ସମସ୍ତ ଚୋରି ସାମଗ୍ରୀ ଜବତ କରିବା ସହ ୨୬୯/୨୨ ରେ ଏକ ମାମଲା ରୁଜୁ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ଗତକାଲି ଘଟଣାରେ ସମ୍ପୃକ୍ତ ଥାଇ ଫେରାର ଥିବା ଲକ୍ଷ୍ମୀକୁ ଗିରଫ କରି କୋର୍ଟ ଚାଲାଣ କରିଥିବା ଆଇଆଇସି ବିବେକାନନ୍ଦ ମହନ୍ତ ସୂଚନା ଦେଇଛନ୍ତି l
