କଟକ: ଲଣ୍ଡନରେ ଆୟୋଜିତ ରାଜ୍ୟଗୋଷ୍ଠୀ ହ୍ବିଲଚେୟାର ଅସି ଚାଳନା ଚମ୍ପିଆନସିପ୍ରେ ଓଡ଼ିଶାର ଭି. ରମେଶ ରାଓ, ରାଖାଲ ସେଠୀ ଓ ମାଳତି ପାନାଉରେ ଅଂଶଗ୍ରହଣ କରିଥିଲେ। ମାଳତି ବ୍ୟକ୍ତିଗତ ଫଏଲ , ରାଖାଲ କୁମାର ସେଠୀ ଓ ଭି. ରମେଶ ରାଓ ଦଳଗତ ଇପିରେ ରୌପ୍ୟ ପଦକ ବିଜୟୀ ହୋଇଥିଲେ। ପ୍ରଥମ ଥର ପାଇଁ ରାଜ୍ୟଗୋଷ୍ଠୀ ହ୍ବିଲଚେୟାର ଅସି ଚାଳନା ପ୍ରତିଯୋଗିତାରେ ପଦକ ହାସଲ କରିଥିବା ଓଡ଼ିଆ ଖେଳାଳିମାେନ ରବିବାର ଫେରିଛନ୍ତି। ଖେଳାଳିମାନେ ଭୁବନେଶ୍ବର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ ପହଞ୍ଚିବା ପରେ ପାରା ସ୍ପୋର୍ଟସ ଆସୋସିଏସନ ଅଫ ଓଡ଼ିଶା ପକ୍ଷରୁ ସ୍ବାଗତ କରାଯାଇଥିଲା। ପରେ ଆସୋସିଏସନର କାର୍ୟ୍ୟାଳୟରେ ସଭାପତି କମଳାକାନ୍ତ ରଥ, ଉପ ସଭାପତି ଚିତ୍ତରଞ୍ଜନ ବୈରିସାଲ, କୋଷାଧ୍ୟକ୍ଷ ସୁନୀଲ ପ୍ରଧାନ ଓ ଅନ୍ୟ କର୍ମକର୍ତ୍ତାମାନେ ସମ୍ବର୍ଦ୍ଧିତ କରିଥିଲେ।
Comments are closed.