ବାଙ୍କୀ: ଉପଖଣ୍ଡସ୍ତରୀୟ ସ୍ୱାଧୀନତା ଦିବସ ପାଳନ ଅବସରରେ କାର୍ଯ୍ୟକ୍ରମକୁ କୋଭିଡ୍ କଟକଣା ସହ ସମ୍ପର୍ଣ୍ଣ କରିବା ନିମନ୍ତେ ଉପଖଣ୍ଡ ସୂଚନା ଓ ଲୋକ ସମ୍ପର୍କ ବିଭାଗ ତତ୍ୱାବଧାନରେ ମହାବିଦ୍ୟାଳୟ ସ୍ତରୀୟ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ସ୍ଥାନୀୟ ବାଙ୍କୀ ସ୍ୱୟଂ ଶାସିତ ମହାବିଦ୍ୟାଳୟ ପରିସରରେ ଆୟୋଜିତ ପ୍ରତିଯୋଗୀତାରେ ବାଙ୍କୀ ଉପଖଣ୍ଡ ଅନ୍ତର୍ଗତ ବିଭିନ୍ନ ମହାବିଦ୍ୟାଳୟର ପ୍ରତିଯୋଗୀ ମାନେ ଅଂଶଗ୍ରହଣ କରିଛନ୍ତି। ଆଜାଦିକା ଅମୃତ ମହୋତ୍ସବ ଶୀର୍ଷକ ବକ୍ତୃତା ପ୍ରତିଯୋଗୀତାରେ ବାଙ୍କୀ ସ୍ୱୟଂ ଶାସିତ ମହାବିଦ୍ୟାଳୟର +୩ ବିଜ୍ଞାନ ବିଭାଗର ୨ୟ ବର୍ଷର ଛାତ୍ରୀ ପୂର୍ଣ୍ଣିମା ପ୍ରିୟଦର୍ଶିନୀ (୧ମ),+୩କଳା ବିଭାଗର ୨ୟ ବର୍ଷର ଛାତ୍ର ମଦନମୋହନ କର(୨ୟ) ଏବଂ ମଧୁସ୍ମିତା ନାୟକ(୩ୟ) ସ୍ଥାନ ଅଧିକାର କରିଛନ୍ତି। ସେହିପରି ରାଣୀ ଶୁକଦେଈ ମହିଳା ମହାବିଦ୍ୟାଳୟର +୩ ୪୧ମ ବର୍ଷର ଛାତ୍ରୀ ମଧୁସ୍ମିତା ସ୍ୱାଇଁ ଏବଂ ଅଂଶୁପା କନିଷ୍ଠ ମହାବିଦ୍ୟାଳୟର +୨ ଦ୍ବିତୀୟ ବର୍ଷର ଛାତ୍ର ଅମୀୟ ପ୍ରକାଶ ରାଉତ ପ୍ରତିଯୋଗୀତାରେ ସାନ୍ତ୍ୱନା ମୂଳକ ପୁରସ୍କାର ପାଇବା ପାଇଁ ଯୋଗ୍ୟ ବିବେଚିତ ହୋଇଛନ୍ତି। ସୂଚନା କ୍ରମରେ ସମସ୍ତ କୃତୀ ପ୍ରତିଯୋଗୀମାନଙ୍କୁ ସ୍ୱାଧୀନତା ଦିବସ ପାଳନ ଅବସରରେ ପୁରସ୍କାର ପ୍ରଦାନ କରାଯିବାର ଘୋଷଣା କରାଯାଇଛି। ପ୍ରତିଯୋଗୀତାରେ ବିଚାରକ ଭାବରେ ଜ୍ଞାନେନ୍ଦ୍ର ମୋହନ ମିଶ୍ର, ଇଂ. ସତ୍ୟବ୍ରତ ରଥ ଓ ଅକ୍ଷୀଳ ଚନ୍ଦ୍ର ବୀରବର ହରିଚନନ୍ଦନ ପ୍ରମୁଖ ପରିଚାଳନା କରିଥିଲେ। ସୂଚନା ଓ ଲୋକସମ୍ପର୍କ ଅଧିକାରୀ କାଳୀଚରଣ ତ୍ରିପାଠୀଙ୍କ ସଞ୍ଜୋଜନାରେ ପ୍ରତିଯୋଗୀତା ଅନୁଷ୍ଠିତ ହୋଇଥିଲା।
Comments are closed.