ନୀଳଗିରି: ବାଲେଶ୍ୱର ଜିଲା ଅଧୀନ ନୀଳଗିରିସ୍ଥିତ କୁଲଡିହା ଜଙ୍ଗଲରେ ଏକ ଛୁଆ ଦନ୍ତାକୁ ଗୋଟିଏ ବଡ଼ ଦନ୍ତାହାତୀ ଦାନ୍ତରେ ଭୁସି ମାରିଦେବା ଘଟଣା ହଟଚମଟ ସୃଷ୍ଟି କରିଛି । ଝରଣଘାଟି ସେକ୍ସନ ତଥା ଚେମଚଟା ବିଟ୍ ଅଧୀନ ଧ’ବାଙ୍କ ଠାରେ ଏକ ଛୁଆ ଦନ୍ତା ହାତୀର ମୃତଦେହକୁ ବନବିଭାଗ କର୍ମଚାରୀମାନେ ବୁଧବାର ଠାବ କରିବା ପରେ ବାଲେଶ୍ୱର ଡିଏଫଓ ଆୟୂଷ ଜୈନ, କୁଲଡିହା ରେଞ୍ଜ ଅଧିକାରୀ ଅନନ୍ତ ଜେନା, ବନପାଳ ପରମାନନ୍ଦ ନାୟକ ପ୍ରମୁଖ ସେଠାରେ ପହଞ୍ଚିଥିଲେ । ଜଙ୍ଗଲରେ ଏକ ଦନ୍ତାହାତୀ ଏହି ଛୁଆ ଦନ୍ତାକୁ ଗୋଡ଼ାଇ ଭୁସି ମାରିଦେଇଛି ବୋଲି ବନବିଭାଗ ପକ୍ଷରୁ କୁହାଯାଉଛି । ସେହିପରି ଘଟଣାସ୍ଥଳରେ ନୀଳଗିରି ପ୍ରାଣୀ ଚିକିତ୍ସାଧୀକାରୀ ଡା. ତପନ ଦ୍ୱିବେଦୀ ମୃତଦେହ ବ୍ୟବଚ୍ଛେଦ କରିବା ପରେ ସେଠାରେ ଶବ ପୋତା ଯାଇଥିଲା । ସୂଚନା ଯେ, ଜଙ୍ଗଲରେ ଭିତରେ କେବଳ ଗୋଟିଏ ହିଁ ଦନ୍ତା ରାଜ୍ କରିଥାଏ । ଅନ୍ୟ କେହି ଦନ୍ତାକୁ ଦେଖିଲେ ସେ ତାକୁ ହତ୍ୟା କରିବା ଯୋଜନା ରଚିଥାଏ । କୁଲଡିହା ଜଙ୍ଗଲରେ ଦନ୍ତା ହାତୀର ଏଭଳି ସ୍ୱଭାବର ପୁନଃରାବୃତ୍ତି ଘଟିଛି ବୋଲି ଚର୍ଚ୍ଚା ହେଉଛି ।
Popular Categories
Previous article
Next article