ସମ୍ବଲପୁର: ସମ୍ବଲପୁର ମହାନଗର ନିଗମ ପକ୍ଷରୁ ନିଗମ ଅନ୍ତର୍ଗତ ବିଭିନ୍ନ ସ୍ଥାନରେ ଜବରଦଖଲ ଉଚ୍ଛେଦ କାର୍ଯ୍ୟ ଜାରି ରହିଛି। ଏହି କ୍ରମରେ ସୋମବାର ନିଗମ କାର୍ଯ୍ୟାଳୟର ଏନଫୋର୍ସମେଣ୍ଟ ଅଧିକାରୀ ସୁଶାନ୍ତ କୁମାର ସାହୁ ଓ ସମ୍ବଲପୁର ତହସିଲଦାର ମନୋଜ ପ୍ରଭାକର କୁଜୁରଙ୍କ ସମେତ ବିଭିନ୍ନ ଅଧିକାରୀ ଓ କର୍ମଚାରୀଙ୍କ ଉପସ୍ଥିତିରେ ରାସ୍ତା ଉପରେ ଜବରଦଖଲ କରିଥିବା ନିର୍ମାଣ ଅଂଶଗୁଡିକୁ ଉଚ୍ଛେଦ କରାଯାଇଛି। ମୁଦିପଡ଼ା ଛକ ପଟରୁ ହସ୍ପିଟାଲ ଛକ ପର୍ଯ୍ୟନ୍ତ ବିଭିନ୍ନ ସ୍ଥାନରେ ଅବରୋଧଗୁଡିକୁ ହଟାଯାଇଛି। ଏହା ବ୍ୟସ୍ତବହୁଳ ରାସ୍ତା ହୋଇଥିବାବେଳେ ଅନେକ ସ୍ଥାନରେ ସରକାରୀ ଜାଗା ରହିଥିବା ସତ୍ୱେ ଜବରଦଖଲକାରୀଙ୍କ ପାଇଁ ରାସ୍ତାରେ ଟ୍ରାଫିକ ଜାମ୍ର ସ୍ଥିତି ଉତ୍ପନ୍ନ ହେଉଛି। ଏଣୁ ଆଗାମୀ ଦିନରେ ରାସ୍ତାଗୁଡିକୁ ଅବରୋଧ ମୁକ୍ତ କରିବାର ଏହି ଅଭିଯାନ ଜାରି ରହିବ ବୋଲି ଏନଫୋର୍ସମେଣ୍ଟ ଅଧିକାରୀ ସୁଶାନ୍ତ ସାହୁ କହିଛନ୍ତି।
Comments are closed.