ମୁମ୍ବଇ : ବଲିଉଡ଼ର ଖ୍ୟାତିନାମା ଅଭିନେତ୍ରୀ ରେଖାଙ୍କର ଆଜି ଜନ୍ମଦିନ। ସେ ୧୦ ଅକ୍ଟୋବର ୧୯୫୪ ମସିହାରେ ଚେନ୍ନାଇ ଠାରେ ଜନ୍ମ ଗ୍ରହଣ କରିଥିଲେ। ରେଖା ମାତ୍ର ୧୩ ବର୍ଷ ବୟସରେ ନିଜ କ୍ୟାରିୟର୍ ଆରମ୍ଭ କରିଥିଲେ। ଜୀବନରେ ସଫଳତା ପାଇବା ପାଇଁ ସେ ଖୁବ୍ ସଂଘର୍ଷ କରିଛନ୍ତି।
ଏକ ସାକ୍ଷାତକାରରେ ରେଖା କହିଥିଲେ, ପାରିବାରିକ ଅବସ୍ଥା ଠିକ୍ ନଥିବାରୁ ସେ ସମୟରେ ମୁଁ ମୋ କ୍ୟାରିୟର ଆରମ୍ଭ କରିଥିଲି। ରେଖା ପ୍ରସିଦ୍ଧ ଅଭିନେତା ଜେମିନି ଗଣେଶନ୍ଙ୍କ ଝିଅ ଥିଲେ ହେଲେ ତାଙ୍କୁ କେବେହେଲେ ପିତାଙ୍କ ସାହାରା ମିଳି ନଥିଲା। ପିତାଙ୍କ ସହ ତାଙ୍କ ସମ୍ପର୍କ ଅଜଣା ବ୍ୟକ୍ତିଙ୍କ ପରି ଥିଲା।
ଏକ ଶୋ’ରେ ସେ ତାଙ୍କ ପିତାଙ୍କ ବିଷୟରେ କହିଥିଲେ, “ମୁଁ ତାଙ୍କୁ ଦେଖିଛି, ହେଲେ କେବେ ଉପଲବ୍ଧି କରିନାହିଁ। ଯେତେବେଳେ ଲୋକେ ଫାଦର୍ ଶବ୍ଦ କୁହନ୍ତି ସେତେବେଳେ ମୋତେ ସର୍ବ ପ୍ରଥମେ ଚର୍ଚ୍ଚର ଫାଦର୍ ମନେପଡ଼ନ୍ତି। ମୁଁ ଏହା ମଧ୍ୟ କହିବି ନାହିଁ ଯେ ମୁଁ ତାଙ୍କୁ ବହୁତ ମନେପକାଏ, କାରଣ ଯେଉଁଠି କିଛି ସମ୍ପର୍କ ହିଁ ନଥିଲା ସେଠାରେ ସମ୍ପର୍କର ଅନୁପସ୍ଥିତି କିପରି ଅନୁଭବ ହୋଇଥାଆନ୍ତା”।
ରେଖାଙ୍କ ସ୍ୱପ୍ନ :
ଏ ବିଷୟରେ ରେଖା କହିଥିଲେ, “ମୁଁ କେବେହେଲେ ଅଭିନେତ୍ରୀ ହେବାକୁ ଚାହୁଁ ନଥିଲି। କେବଳ ବିବାହ କରିବା, ସ୍ୱାମୀଙ୍କ ସହ ସାଥି ହୋଇ ରହିବା ଓ ବହୁତ ସାରା ସନ୍ତାନ ଚାହୁଁଥିଲି। ଏହା ତ ମୋ ଭାଗ୍ୟରେ ଥିଲା ଯେ ମୁଁ ଆଜି ଏ ସ୍ଥାନରେ ପହଞ୍ଚିଛି। ଆଉ ହଁ ମୋର ଏସବୁ ପାଇଁ କୌଣସି ଗର୍ବ ନାହିଁ, ଯାହା ମିଳିଛି ସେଥିପାଇଁ କୃତଜ୍ଞ”।
