ଆଠଗଡ : ଜାତୀୟ ସ୍ତରୀୟ ପ୍ରତିଯୋଗିତାରେ ଖୋ-ଖୋ ଖେଳରେ ରୌପ୍ୟ ପଦକ ହାସଲ କରିଥିବା ଆଠଗଡର ଖୋ-ଖୋ ଖେଳାଳି ଟି. ଜଗନ୍ନାଥ ଦାସଙ୍କୁ ସଂପ୍ରତି ଗୁଜୁରାଟ ରାଜ୍ୟ ଖୋ-ଖୋ ଦଳ ୩ ଲକ୍ଷ ଟଙ୍କା ଚୁକ୍ତିନାମାରେ ନିଜ ଦଳରେ ସାମିଲ କରିଥିବାରୁ ଆଠଗଡ ବିଜୁ ମହିଳା ଜନତା ଦଳ ପକ୍ଷରୁ ତାଙ୍କୁ ସମ୍ବର୍ଦ୍ଧିତ କରାଯାଇଛି । କ୍ରିକେଟର ଆଇପିଏଲ ଭଳି ଖୋ-ଖୋ ଅଲ୍ଟିମେଟ୍ ଟୁର୍ଣ୍ଣାମେଣ୍ଟ ଆୟୋଜନ ହୋଇଥାଏ । ଏହି ଟୁର୍ଣ୍ଣାମେଣ୍ଟ ପାଇଁ ବିଭିନ୍ନ ରାଜ୍ୟର ଖୋ-ଖୋ ଦଳ ମନୋନୟନ କରାଯିବା ବେଳେ ନିଲାମ ଭଳି ଆଠଗଡର ଖୋ-ଖୋ ଖେଳାଳି ଟି ଜଗନ୍ନାଥ ଦାସଙ୍କୁ ଗୁଜୁରାଟ ଦଳ ଏହି ଖୋ-ଖୋ ଅଲ୍ଟିମେଟ୍ ପାଇଁ ୩ଲକ୍ଷ ଟଙ୍କାରେ କ୍ରୟ କରି ଚୁକ୍ତିନାମା କରିଛନ୍ତି । ଏହି ବିରଳ କୃତିତ୍ୱ ପାଇଁ ଆଠଗଡ ନଗର ମହିଳା ବିଜେଡି ସଭାନେତ୍ରୀ ରଞ୍ଜିତା ଭକ୍ତାଙ୍କ ସମେତ ଦଳୀୟ ନେତ୍ରୀବୃନ୍ଦ ୧୮ନଂ ୱାର୍ଡସ୍ଥିତ ଜଗନ୍ନାଥଙ୍କ ଘରକୁ ଯାଇ ତାଙ୍କୁ ଓ ତାଙ୍କ ପରିବାର ବର୍ଗଙ୍କୁ ସମ୍ବର୍ଦ୍ଧିତ କରିବା ସହ ଅଭିନନ୍ଦନ ଜଣାଇଥିଲେ। ଏଥିରେ ୬ନଂ ୱାର୍ଡର ମହିଳା ବିଜେଡି ସଭାନେତ୍ରୀ ପ୍ରଣିତା ସାମନ୍ତ, ୧୮ନଂର ସଜନି ପୃଷ୍ଟି, ସାବିତ୍ରୀ ଦାସ, ୫ନଂ ୱାର୍ଡର ସଭାନେତ୍ରୀ ଦୀପାଳି ପଟ୍ଟନାୟକ ଓ ଶ୍ରାବଣୀ ଜେନାଙ୍କ ସମେତ ଅନ୍ୟ ନେତ୍ରୀ ଉପସ୍ଥିତ ଥିଲେ।
Popular Categories
Previous article
Next article