ଚୌଦ୍ୱାର : ବିଦ୍ୟୁତ୍ ବିତରଣକାରୀ ସଂସ୍ଥା ଟାଟା ପାୱାରର ଗ୍ରାହକ ଶୋଷଣ ନୀତି ବିରୋଧରେ ଚୌଦ୍ୱାର ଅଞ୍ଚଳର ଗୃହିଣୀ ମାନେ ଏକଜୁଟ ହେବା ସହିତ ଟାଟା ପାୱାରର ମନମୁଖୀ କାର୍ଯ୍ୟର ତୀବ୍ର ବିରୋଧ କରିଛନ୍ତି । ଚୌଦ୍ୱାର ପୌର ପାଳିକା ୫ ନମ୍ବର ଓ୍ବାର୍ଡ଼ କାଉନସିଲର ସୁଜାତା ସାହୁଙ୍କ ନେତୃତ୍ୱରେ ବିଭିନ୍ନ ସ୍ୱୟଂ ସାହାୟିକା ଗୋଷ୍ଠୀର ସଦସ୍ୟାଙ୍କ ସମେତ ଶତାଧିକ ଗୃହିଣୀ ଏକଜୁଟ ହୋଇ ଏକ ଶୋଭାଯାତ୍ରାରେ ଚୌଦ୍ୱାର ଗ୍ରାମ ପରିକ୍ରମା କରି ଟାଟା ପାୱାରର ଗ୍ରାହକ ମାରଣ ନୀତି ବିରୋଧରେ ଜନ ସାଧାରଣଙ୍କୁ ସଚେତନ କରିଥିଲେ । ଟାଟା ପାୱାର ସେସୁର ମିଟରକୁ ହଟାଇ ଯୋର ଜବରଦସ୍ତ ଟାଟାର ନିଜସ୍ୱ ମିଟର ବସାଇବା, ଗ୍ରାହକ ମାନଙ୍କ ଠାରୁ ଅଧିକ ଅର୍ଥ ଆଦାୟ କରିବା, କଥା କଥା କଥାକେ ବିଦ୍ୟୁତ୍ ସଂଯୋଗ କଟିବା, ବିଦ୍ୟୁତ୍ କର୍ମଚାରୀ ମାନେ ଘରେ ପଶି ଗ୍ରାହକ ମାନଙ୍କୁ ଅଯଥାରେ ଡରାଇବା ଓ ଦାଦାଗିରି କରୁଥିବା ଆଦି ଅନ୍ଦାଳନକାରୀମାନେ ଅଭିଯୋଗ କରି ତୁରନ୍ତ ଟାଟା ପାୱାରକୁ ହଟାଇବା ପାଇଁ ଦାବି କରିଥିଲେ । ଚୌଦ୍ୱାର ବିଦ୍ୟୁତ୍ ଉପଭୋକ୍ତା ମଞ୍ଚ ଆୟୋଜନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଜୟ ସିଂହ, ଅଜିତ୍ କୁମାର ସ୍ୱାଇଁ, ନାରୀ ନେତ୍ରୀ ମୋନାଲିସା ଦାସ ପ୍ରମୁଖ ଶୋଭାଯାତ୍ରା ପରିଚାଳନା କରିଥିଲେ ।
Comments are closed.