ବାଙ୍କୀ: ଓଡ଼ିଶା ସରକାରଙ୍କ କୃଷି ଓ କୃଷକ ସଶକ୍ତିକରଣ ବିଭାଗ ସହାୟତାରେ ଡମପଡ଼ା ବ୍ଲକରେ ଚାଷୀମାନଙ୍କୁ କୃଷିର ବିବିଧ ଯୋଜନା ଓ ସହାୟତା ସମ୍ପର୍କରେ ସଚେତନ କରିବା ପାଇଁ ବୁଧବାର ସକାଳେ କୃଷି ସଚେତନତା ରଥ ଗଡ଼଼ିବା ଆରମ୍ଭ କରିଛି। ଡମପଡ଼ା କୃଷି ସୂଚନା କେନ୍ଦ୍ର ସୌଜନ୍ୟତାରେ ସଂଚାଳିତ ରଥ ଡମପଡ଼ା ବ୍ଲକର ସମସ୍ତ ୧୭ ଗୋଟି ପଞ୍ଚାୟତରେ ୭ଦିନ ବ୍ୟାପୀ ପରିକ୍ରମା କରିବା ସମ୍ପର୍କରେ ସୂଚନା ମିଳିଛି। ବାଙ୍କୀ ବିଧାୟକ ଦେବୀରଂଜନ ତ୍ରିପାଠୀ, ଡମପଡ଼ା ବ୍ଲକ ଅଧ୍ୟକ୍ଷ ପ୍ରଣବ କିଶୋର ପଟ୍ଟେଲ ସବୁଜ ପତାକା ଦେଖାଇ ଏହି ରଥକୁ ଘାସିପୁଟ ସ୍ଥିତ ନିୟନ୍ତ୍ରିତ ବଜାର କମିଟି ବଜାର ପ୍ରାଙ୍ଗଣରୁ ଶୁଭାରମ୍ଭ କରିଛନ୍ତି। ବ୍ଲକ କୃଷି ଅଧିକାରୀ ସୁବ୍ରତ ପାଢ଼ୀ, ସହକାରୀ କୃଷି ଅଧିକାରୀ ବି.ପି.ରୋଜାଲିନୀ, ଜିଲ୍ଲାପରିଷଦ ସଦସ୍ୟ ଆଶିଷ କୁମାର ସାହୁ, ମୀନତି ମହାପାତ୍ର, କୁଶପଙ୍ଗୀ ସରପଞ୍ଚ ନରେଶ କୁମାର ବେଉରା, ସଂଜୟ ମହାରଣା ପ୍ରମୁଖ ଉପସ୍ଥିତ ଥିଲେ। କୃଷି ସଚେତନତା ରଥ ପରିକ୍ରମା ସମୟରେ ସ୍ଥାନୀୟ ଜନପ୍ରତିନିଧିମାନଙ୍କ ସହ ଯୋଗାଯୋଗ ରକ୍ଷା କରି କୃଷକମାନଙ୍କୁ ଅଧିକ ସଚେତନ କରିବା ପାଇଁ ସହଯୋଗର ହାତ ବଢ଼ାଇବା ପାଇଁ ପରାମର୍ଶ ଦେଇଛନ୍ତି।
Comments are closed.