ହରଭଙ୍ଗା : ୫-ଟି ନିୟମ ଲାଗୁ ପରେ ମଧ୍ୟ ସରକାରୀ ବାବୁମାନେ ନିୟମର ଖୋଲାଖୋଲି ଉଲ୍ଲଂଘନ କରୁଥିବା ଦେଖିବାକୁ ମିଳୁଛି । ହରଭଙ୍ଗା ବ୍ଲକ ସଦରମହକୁମା ଚାରିଛକରେ ଥିବା ହରଭଙ୍ଗା ଅବକାରୀ ଥାନାରେ କାର୍ଯ୍ୟଦିବସରେ ତାଲା ଝୁଲୁଥିବା ଭଳି ଆଉ ଏକ ଅଭାବନୀୟ ଚିତ୍ର ସରକାରଙ୍କ ୫-ଟି ନିୟମ ଉପରେ ପ୍ରଶ୍ନ ଚିହ୍ନ ଲଗାଇଛି। ପ୍ରକାଶ ଯେ ଗୁରୁବାର ଚାରିଛକସ୍ଥିତ ହରଭଙ୍ଗା ଅବକାରୀ ଥାନା କାର୍ଯ୍ୟାଳୟ ଆଦୌ ଖୋଲିନଥିବା ନଜରକୁ ଆସିଥିଲା। ମୁଖ୍ୟ ଫାଟକରେ ତାଲା ଝୁଲିବା ସହିତ ଅଫିସ ଫାଟକରେ ଦିନ ୧୧ଟାରେ ତାଲା ଝୁଲୁଥିଲା। ଅଫିସ ଉପରେ ଲାଗିଥିବା ମରକ୍ୟୁରୀ ଲାଇଟ ଦିନ ତମାମ୍ ମଧ୍ୟ ଜଳୁଥିଲା। କାର୍ଯ୍ୟଦିବସରେ କାହିଁକି କେଉଁ କାରଣରୁ ଅଫିସ ସମ୍ପୂର୍ଣ୍ଣ ବନ୍ଦ ହୋଇରହିଥିଲା ସେ ଦିଗରେ ବିଭାଗୀୟ ଉଚ୍ଚକତୃପକ୍ଷ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବୀ ଉଠୁଛି। ଏ ସର୍ମ୍ପକରେ ବୌଦ୍ଧ ଅବକାରୀ ଅଧିକ୍ଷକ କ୍ରିଷ୍ଣା ନାଏକଙ୍କୁ ପଚାରିବାରୁ ବୌଦ୍ଧର ଜଣେ ଅବକାରୀ ଇନିସପେକ୍ଟରଙ୍କୁ ଏହାର ଅତିରିକ୍ତ ଦାୟିତ୍ୱ ପ୍ରଦାନ କରାଯାଇଛି। କାର୍ଯ୍ୟଦିବସରେ କେଉଁ କାରଣରୁ ଅଫିସ ଖୋଲାଯାଇନାହିଁ ଏହା ଉପରେ ମୁଁ ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବି ବୋଲି କହିଥିଲେ।
Comments are closed.