ପାତ୍ରପୁର: ଓଡ଼ିଶାର ସାରଥି ଧାମ ରୂପେ ପରିଚିତ ଜରଡା ଗଡରେ ପ୍ରଭୁଙ୍କ ନୃସିଂହଅବତାର ସହିତ ହେରାପଞ୍ଚମୀ ପାଳିତ ହୋଇଛି। ଦୁଇ ବର୍ଷ ପରେ ପ୍ରଭୁଙ୍କ ନୃସିଂହ ଅବତାର ଦେଖିବା ପାଇଁ ଭକ୍ତଙ୍କ ଭିଡ଼ ଲାଗି ରହିଥିଲା। ଭକ୍ତଙ୍କ ଶୃଙ୍ଖଳିତ ଦର୍ଶନପାଇଁ ପ୍ରଭୁଙ୍କ ପୂଜା ଧୂପ ମଇଲମ ଦେବ ନୀତି ନିର୍ଦ୍ଧାରିତ ସମୟରେ ସମ୍ପନ୍ନ ହୋଇ ଥିଲା।ଏହା ପରେ ବିଭିନ୍ନ ଅଂଚଳରୁ ଆସିଥିବା ଭକ୍ତ ମନେ ପ୍ରଭୁଙ୍କ ନୃସିଂହ ଅବତାର ଦର୍ଶନ କରି ପୂଜା କରିଥିଲେ। ବହୁ ଭକ୍ତ ଗୁଣ୍ଡିଚା ଦିନ ଭଳି ସାଙ୍ଗରେ ଦହି ଲିଆ ଭାରରେ ଆଣି ଥିବା ବେଳେ ପ୍ରଭୁଙ୍କ ପାଖରେ ସମର୍ପଣ କରିଥିଲେ। ବହୁ ମାନସିକଧାରୀ ଭକ୍ତମାନେ ନିଜ ପିଲାଙ୍କୁ ଏହି ପୀଠ ନିକଟରେ ମୁଣ୍ଡନ କରିଥିଲେ। ସନ୍ଧ୍ୟାରେ ମହାଲକ୍ଷ୍ମୀ କୋପ କରି ମାଉସୀ ମା’ଙ୍କ ମନ୍ଦିର ନିକଟରେ ଥିବା ରଥ ଭାଙ୍ଗିଥିଲେ। ଅଞ୍ଚଳର ତୁମ୍ବା, ନୂଆଗଡ଼, ପଦାଦିଗି, ଜୟନ୍ତୀପୁର, ଭ୍ରମରପୁର ଗୋପୀନାଥ ପୁର, ସୁରଙ୍ଗୀଗଡ଼ ଠାରେ ଥିବା ମାଉସୀ ମା’ ମନ୍ଦିରରେ ହେରାପଞ୍ଚମୀ ଉପଲକ୍ଷେ ପ୍ରଭୁଙ୍କ ନୃସିଂହ ଅବତାର ଦେଖିବା ସହ ବହୁ ଭକ୍ତ ପୂଜା ପାଠ କରିଥିଲେ। ସନ୍ଧ୍ୟାରେ ମହାଲକ୍ଷ୍ମୀ ପହଞ୍ଚି କୋପରେ ରଥ ଭାଙ୍ଗି ଥିଲେ। ଏହି ସମସ୍ତ ଦେବ ନିତୀ ଦେଖିବା ପାଇଁ ବହୁ ଭକ୍ତ ରୁଣ୍ଡ ହୋଇ ଥିଲେ।
Popular Categories
Previous article
Next article