ଫିରିଙ୍ଗିଆ: ପ୍ରତିବର୍ଷ ଭଳି ଚଳିତ ବର୍ଷ ରଥଯାତ୍ରା ଧୁମଧାମରେ ପାଳିତ ହୋଇଛି। କୋଭିଡ କଟକଣା ଯୋଗୁଁ ଗତ ୨ବର୍ଷ ରଥଯାତ୍ରା ବନ୍ଦ ରହିଥିଲା। କିନ୍ତୁ ଚଳିତ ବର୍ଷ କଟକଣା କୋହଳ ଥିବାରୁ ହଜାର ହଜାର ଭକ୍ତଙ୍କ ଗହଣରେ ଶାନ୍ତି ଶୃଙ୍ଖଳାର ସହ ରଥଯାତ୍ରା ପାଳନ କରାଯାଇଛି। ଜଗନ୍ନାଥ ମନ୍ଦିର ମୁଖ୍ୟ ପୂଜକ କାଳିଆ ପଣ୍ଡା ଓ ଅନ୍ୟାନ୍ୟ ପଣ୍ଡା ପରିହାରି ସେବାୟତ ଓ ଫିରିଙ୍ଗିଆ ବ୍ଲକ ନିର୍ବାହୀ ଯନ୍ତ୍ରୀ ଲିଙ୍ଗରାଜ ପାତ୍ର ଛେରା ପହରା ଦାୟିତ୍ୱ ତୁଲାଇ ଥିବା ବେଳେ ରଥଯାତ୍ରା ପରିଚାଳନା କମିଟି ସଭାପତି, ଫିରିଙ୍ଗିଆ ସରପଞ୍ଚ ଜଳନ୍ଧର କହଁର, ମାଉସୀ ମାଁ ମାର୍କେଟ ସଭାପତି ଅଭୟ କହଁର ସମ୍ପାଦକଙ୍କ ସହ ସମସ୍ତ ସଦସ୍ୟ, ମହାକାଳ ସ୍ବେଛାସେବୀ ସଂଗଠନ, ବ୍ଲକ ପ୍ରଶାସନ, ଫିରିଙ୍ଗିଆ ବ୍ଲକର ନିର୍ବାଚିତ ପ୍ରତିନିଧି ସରପଞ୍ଚ, ସମିତି ସଭ୍ୟ, ଜିଲ୍ଲା ପରିଷଦ ଓ ପରି ଚାଳନା କମିଟିର ସମସ୍ତ ସଦସ୍ୟଙ୍କ ସହଯୋଗରେ ରଥଯାତ୍ରା ପାଳିତ ହୋଇଛି।
ରୀତି ନୀତି ଅନୁଯାୟୀ ଜଗନ୍ନାଥ ମନ୍ଦିର ଠାରୁ ପହଣ୍ଡି ସହ ରଥ ରୂଢ କରି ବ୍ଲକ ଛକ ମାଉସୀ ମାଁ ମନ୍ଦିର ପର୍ୟ୍ୟନ୍ତ ତିନି ଠାକୁରଙ୍କୁ ଭକ୍ତଙ୍କ ଗହଣରେ ଅଣାଯାଇଥିଲା। କାର୍ୟ୍ୟକ୍ରମରେ ଅନୁଗୁଳରୁ ଆସିଥିବା ଘଣ୍ଟ, ଗୋପାଳମାନଙ୍କ ବାଡ଼ି ଖେଳ, ନଦିଆ କୀର୍ତନ ସହ ଅନ୍ୟାନ୍ୟ କାର୍ୟ୍ୟକ୍ରମ କରାଯାଇ ଥିଲା। କାର୍ୟ୍ୟକ୍ରମରେ ଜନସଂଖ୍ୟା ଗହଳି ଦୃଷ୍ଟିରେ ରଖି ଫିରିଙ୍ଗିଆ ପୋଲିସ ଦ୍ୱାରା ବ୍ୟାପକ ବନ୍ଦୋବସ୍ତ କରାଯାଇଥିବା ବେଳେ ଥାନା ଅଧିକାରୀ ପି ଶ୍ୟାମସୁନ୍ଦର ରାଓ ନିଜେ ଉପସ୍ଥିତ ରହି ସୁରକ୍ଷା ବ୍ୟବସ୍ତା ତଦାରଖ କରିଥିଲେ। ଅନ୍ୟପଟେ ବ୍ଲକ ପ୍ରଶାସନ ତରଫରୁ ଖୋଦ ଫିରିଙ୍ଗିଆ ବିଡ଼ିଓ ରଶ୍ମିରଞ୍ଜନ ମହନ୍ତ ଉପସ୍ଥିତ ଥିବା ବେଳେ ପୂର୍ବତନ ପରିବହନ ଓ ଯୋଜନା ସମନ୍ୱୟ ମନ୍ତ୍ରି ପଦ୍ମନାଭ ବେହେରା ଓ ତାଙ୍କ ଧର୍ମପତ୍ନୀ ତଥା ପୂର୍ବତନ ମହିଳା ଓ ଶିଶୁ ବିକାଶ ମନ୍ତ୍ରି ବିଷ୍ଣୁପ୍ରିୟା ବେହେରା ଉପସ୍ଥିତ ଥିଲେ। ଚଳିତ ବର୍ଷ ଏହି ରଥ ଯାତ୍ରା ଉପଲକ୍ଷେ ମାଉସୀ ମା ମାର୍କେଟ ପୁଜା କମିଟି ତରଫରୁ ରଥଯାତ୍ରା ପାଇଁ ନିୟୋଜିତ ହୋଇ ଥିବା ସମସ୍ତ ସେବାୟତ ସରକାରୀ ଅଧକାରୀମାନଙ୍କୁ ସମ୍ମାନିତ କରାଯିବା ସହ ଏକ ଶୋଭାଯାତ୍ରାରେ ଆସି ରଥରୁଡ଼ ଠାକୁରଙ୍କୁ ରୀତି ନୀତି ଅନୁସାରେ ପୂଜାପାଠ କରାଯାଇଥିବା ବେଳେ କମିଟିର ସଞ୍ଜୟ କୁମାର ଡିଗାଲ, ଚନ୍ଦ୍ରମୋହନ ନାୟକ, କଂସଦେବ ସାହୁ ଏହାର ନେତୃତ୍ୱ ନେଇଥିଲେ।
