ବେଗୁନିଆ: ବେଗୁନିଆ ଥାନା ଅନ୍ତର୍ଗତ ଗୋଡା ଲୋକନାଥ ଦେବ ମନ୍ଦିର ନିକଟରେ ଘର କରି ରହୁଥିବା ଜନୈକ ବ୍ୟକ୍ତି ରବିବାର ତାଙ୍କ ଘର ପଛ ପଟେ ଦେଶୀ ମଦ ରାନ୍ଧୁଥିବା ବେଳେ ବେଗୁନିଆ ପୁଲିସ ସେଠାରେ ଚଢ଼ାଉ କରି ତାଙ୍କୁ ଗିରଫ କରି କୋର୍ଟ ଚାଲାଣ କରିଛି । ସମ୍ପୃକ୍ତ ଗ୍ରାମର କୈଳାଶ ରଣସିଂହଙ୍କ ପୁଅ ସୁଶାନ୍ତ ରଣସିଂହ ଦୀର୍ଘଦିନ ହେବ ମଦ ରାନ୍ଧି ବିକ୍ରି କରୁଥିବାବେଳେ ଅନ୍ୟ ସ୍ଥାନକୁ ଚାଲାଣ କରୁଥିଲେ । ବେଗୁନିଆ ଥାନା ଅଧିକାରୀ ଲକ୍ଷ୍ମୀପ୍ରସାଦ ଶତପଥୀଙ୍କ ନେତୃତ୍ୱରେ ଏଏସଆଇ ଗଜେନ୍ଦ୍ର ଜେନା, ସରୋଜ କୁମାର ସେନାପତି ଏବଂ ଥାନା କର୍ମଚାରୀମାନେ ଆଜି ଅପରାହ୍ନରେ ସେଠାରେ ଚଢ଼ାଉ କରିଥିଲେ । ସେଠାରେ ମଦ ରନ୍ଧାଯାଉଥିବା ବେଳେ ୧୨ ଶହ ଲିଟର ପୋଚ ନଷ୍ଟ କରିବା ସହ ୩୫ ଲିଟର ମଦ ଜବତ କରିଛନ୍ତି। ଏଥି ସହିତ ବହୁ ମଦ ପ୍ରସ୍ତୁତ ସରଞ୍ଜାମ ମଧ୍ୟ ଜବତ କରି ସୁଶାନ୍ତ ରଣସିଂହକୁ ଗିରଫ କରି କୋର୍ଟ ଚାଲାଣ କରାଯାଇଛି। ବେଗୁନିଆ ଥାନାରେ ଏ ସଂକ୍ରାନ୍ତରେ ୧୪୨/୨୨ନଂ କେଶ ରୁଜୁ କରାଯାଇ ଘଟଣାର ତଦନ୍ତ କରାଯାଉଛି ।
Popular Categories
Previous article
Next article