କଲମପୁର : ପରୁଆଗୁଡା କଲୋନୀପଡା ଠାରେ ଜନୈକ ବ୍ୟକ୍ତିଙ୍କ କୂଅ ସଫେଇ କରିବାକୁ ଯାଇ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । କୂଅ ସଫେଇ କରିବାକୁ ଯାଇଥିବା ୨ ଜଣ କିଛି ସମୟ ପରେ ଅଣ ନିଶ୍ୱାସୀ ହୋଇ ଜଣଙ୍କର ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟଣା ସାଧାରଣରେ ଆଲୋଡନ ସୃଷ୍ଟି କରିଛି ।
ସୂଚନା ଅନୁସାରେ କଲମପୁର ବ୍ଲକ ଅଧିନସ୍ଥ ପରୁଆଗୁଡା କଲୋନୀପଡାର ସଦାଶିବ ମାଝୀ ୪୭ ବର୍ଷ ନିଜର ୩ ଫୁଟ ଓସାର ୨୪ ଫୁଟ ଗଭିର ନନ୍ଦ କୂଅକୁ ସଫେଇ କରୁଥିଲେ । କିଛି ସମୟ ପରେ ସେ ଅଣନିଶ୍ୱାସୀ ହେଇ ପଡିଥିଲେ । ଏହା ଦେଖି କୂଅ ଉପରେ ଥିବା ତାଙ୍କର ଜ୍ୱାଇଁ ଜୁନାଗଡ ବ୍ଲକ ଅଧିନସ୍ଥ ରାଜପୁର ନିକଟସ୍ଥ କନକପୁର ଗ୍ରାମର ଶାନ୍ତାନୁ ମଶ୍ରା ମଧ୍ୟ କୂଅ ଭିତରକୁ ପଶିଥିଲେ । ଶେଷରେ ଉଭୟ ଅଣନିଶ୍ୱାସୀ ହେଇ କୂଅ ଭିତରେ ରହିଥିବା ବେଳେ ତାଙ୍କୁ ଉଦ୍ଧାର ପାଇଁ ତୁରନ୍ତ ପରିବାର ଲୋକ କଲମପୁର ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବାହିନୀ ପହଂଚିଲା ବେଳକୁ ଗ୍ରାମବାସୀଙ୍କ ଉଦ୍ୟମ କ୍ରମେ ଉଭୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଥିଲା । ଅଗ୍ନିଶମ ବାହିନୀ ଓ ଆମ୍ବୁଲେନ୍ସ ସହାୟତାରେ ସେମାନଙ୍କୁ ତୁରନ୍ତ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଥିଲା । ଚିକିତ୍ସାଧିନ ଅବସ୍ଥାରେ ସଦଶିବଙ୍କ ମୃତ୍ୟୁ ହେଇଥିବା ବେଳେ ଶାନ୍ତାନୁଙ୍କ ଅବସ୍ଥା ଗୁରୁତର ଦୃଷ୍ଟିରୁ ତୁରନ୍ତ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଅନ୍ୟପଟେ ସଦାଶିବଙ୍କ ମୃତ୍ୟୁ ନେଇ କଲମପୁର ପୁଲିସ ଫାଣ୍ଡି ସୂଚନା ପାଇବା ପରେ ଚିକିତ୍ସାଳୟରେ ପୁଲିସ ପହଂଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଛନ୍ତି ।
କୂଅ ସଫେଇ ହେଲା କାଳ; ଜଣେ ମୃତ ,ଜଣେ ଗୁରୁତର
Popular Categories
Previous article
Next article