ବଲାଙ୍ଗିର: ବଲାଙ୍ଗିର ଜିଲା ମୁରିବାହାଲ ଥାନା ଗଡ଼ଗଡ଼ବାହାଲ ପଞ୍ଚାୟତ ଅନ୍ତର୍ଗତ ହଦହଦା ଗ୍ରାମରେ କୃଷି ବୀମାରେ ଅନିୟମିତତା ନେଇ ମୁରିବାହାଲ ଥାନାରେ ଆଶିଷ ମିଶ୍ର ଅଭିଯୋଗ କରିଥିଲେ। ୨୦୨୦ରେ ତତ୍କାଳୀନ ମୁରିବାହାଲ ଥାନା ଅଧିକାରୀ ତାରାଜସ୍ମିନ ଗୁରିଆ ଆଶିଷ ମିଶ୍ରଙ୍କ ଅଭିଯୋଗକୁ ଆଧାର କରି ଆଇପିସିର ଧାରା ୪୨୦, ୪୬୭, ୪୬୮ ଓ ୩୪ ଧାରାରେ ୨୨୦ ନମ୍ବର ମାମଲା ରୁଜୁ କରିଥିଲେ। ମାମଲାର ତଦନ୍ତ ଚାଲିଥିଲା। ମଙ୍ଗଳବାର ଦିନ ଥାନା ଅଧିକାରୀ ଜ୍ୟୋତିରାଣୀ ଦାସ ଅମ୍ବୁଜାକ୍ଷ ମିଶ୍ରକୁ ଗିରଫ କରି କୋର୍ଟ ଚାଲାଣ କରିଛନ୍ତି। ମାନ୍ୟବର କୋର୍ଟ ଜାମିନ ନାମଞ୍ଜୁର କରିବା ସହ ତାଙ୍କୁ କଣ୍ଟାବାଞ୍ଜି କାରାଗାରକୁ ପଠାଇ ଦେଇଛନ୍ତି।
ସୂଚନା ଅନୁସାରେ, ୨୦୨୦ରେ ଯେଉଁ ଜମିକୁ ନେଇ ଅମ୍ବୁଜାକ୍ଷ କୃଷି ବୀମା କରିଥିଲେ, ସେହି ଜମି ୧୯୮୦ରୁ ତାଙ୍କ ନାଁରେ ନଥିବା ଜଣାପଡିଛି। ଆଉ ଅମ୍ବୁଜାକ୍ଷଙ୍କ ଗିରଫ ପରେ ମାମଲା ଚର୍ଚ୍ଚାକୁ ଆସିଛି। କାରଣ ଅଭିଯୋଗକାରୀ ଆଶିଷ ମିଶ୍ର ଗିରଫ ଅମ୍ବୁଜାକ୍ଷଙ୍କ ବଡ ବାପା ପୁଅ।
Comments are closed.