ଭୁବନେଶ୍ୱର: ଦିଲ୍ଳୀ ଗସ୍ତରେ ଯାଇଛନ୍ତି କଂଗ୍ରେସ ନେତା । ଦିଲ୍ଲୀରୁ ଡାକରା ଆସିବା ପରେ ରାଜ୍ୟର ସମସ୍ତ କଂଗ୍ରେସ ବିଧାୟକ ଦିଲ୍ଲୀ ଗସ୍ତ କରିଛନ୍ତି । ବରିଷ୍ଠ କଂଗ୍ରେସ ନେତା ଶରତ ପଟ୍ଟନାୟକ, ସୁର ରାଉତରାୟ, ଜୟଦେବ ଜେନା, ମହମ୍ମଦ ମୋକିମ, ଚିରଞ୍ଜୀବି ବିଶ୍ୱାଳ, ସନ୍ତୋଷ ସିଂ ସାଲୁଜା ଓ ବିଧାୟକ ରମେଶ ଜେନା ପ୍ରମୁଖ ଦିଲ୍ଲୀ ଯାଇଛନ୍ତି । ରାଜ୍ୟର କଂଗ୍ରେସ ନେତା ମାନଙ୍କୁ ଦିଲ୍ଲୀକୁ ଯିବାନେଇ ଡାକରା ଆସିଥିଲା । ପିସିସି ସଭାପତି ଚୟନ, ସଂଗଠନକୁ ମଜବୁତ କରିବା ଓ ୨୦୨୪ ନିର୍ବାଚନ ପାଇଁ ରଣନୀତି ପ୍ରସ୍ତୁତ କରିବାକୁ ନେଇ ଆସନ୍ତାକାଲି ଦିଲ୍ଲୀରେ ଆଲୋଚନା ହୋଇପାରେ । ଏହି ସବୁ ପାଇଁ କଂଗ୍ରେସ ନେତା ରାହୁଲ ଗାନ୍ଧୀ ସମସ୍ତ ନେତାଙ୍କୁ ଦିଲ୍ଲୀ ଡାକିଥିବା ଅନୁମାନ କରାଯାଉଛି । ତେବେ ଆସନ୍ତାକାଲି ସମସ୍ତ ନେତାଙ୍କ ସହ ଏନେଇ ରାହୁଲ ଗାନ୍ଧୀ ଆଲୋଚନା କରିବେ । ଆଲୋଚନାରେ ହାଇକମାଣ୍ଡ ଯାହା ନିଷ୍ପତ୍ତି ନେବେ ତାହା ମାନ୍ୟ ବୋଲି କଂଗ୍ରେସ ନେତାମାନେ କହିଛନ୍ତି ।
Comments are closed.