ପାଟଣା : କେନ୍ଦୁଝର ଜିଲ୍ଲାସ୍ତରୀୟ ବିପ୍ଳବୀ ଧରଣୀଧର ଭୂୟାଁଙ୍କ ୧୫୮ତମ ଜୟନ୍ତୀ ସମାରୋହରେ ପାଟଣା ବ୍ଲକ ଜମୁନାପଶି ପଂଚାୟତ ପଦ୍ମପୁର ଗ୍ରାମର ଅଗ୍ରଣୀ ଆଦିବାସୀ ଚାଷୀ ତ୍ରିନାଥ ମୁଣ୍ଡାଙ୍କୁ ସମ୍ବର୍ଦ୍ଧିତ କରାଯାଇଛି । ମୁଖ୍ୟ ଅତିଥି ପାଟଣା ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ଜଗନ୍ନାଥ ନାଏକ ଚାଷୀ ତ୍ରିନାଥ ମୁଣ୍ଡାଙ୍କୁ ମାନପତ୍ର, ଅଙ୍ଗବସ୍ତ୍ର ଓ ପୁଷ୍ପଗୁଛ ପ୍ରଦାନ କରି ସମ୍ବର୍ଦ୍ଧିତ କରିଛନ୍ତି। କୃଷିବିଭାଗ ତରଫରୁ ମିଳିଥିବା ପ୍ରୋତ୍ସାହନ ଓ ତାଲିମ ସୁବିଧାର ସଦୁପଯୋଗ କରି ପନିପରିବା, ମତ୍ସ୍ୟଚାଷ ଓ ତୈଳବୀଜ ଚାଷରେ ତ୍ରିନାଥଙ୍କ ନିଷ୍ଠା ଓ ଅଧ୍ୟବସାୟ ପାଇଁ ପାଟଣା ବ୍ଲକ କୃଷିବିଭାଗ ସୁପାରିଶରେ ଜିଲ୍ଲା ପ୍ରଶାସନ ତାଙ୍କୁ ସମ୍ବର୍ଦ୍ଧିତ କରିଛି। ଜିଲ୍ଲାସ୍ତରୀୟ ଜୟନ୍ତୀ ସମାରୋହରେ ଜିଲ୍ଲାପାଳ ଆଶିଷ ଠାକରେ ଅଧ୍ୟକ୍ଷତା କରିଥିବା ବେଳେ ମୁଖ୍ୟ ଅତିଥି ଭାବେ ପାଟଣା ବିଧାୟକ ଜଗନ୍ନାଥ ନାଏକ, ସମ୍ମାନୀତ ଅତିଥି ଭାବେ ସଦର ବିଧାୟକ ମୋହନ ଚରଣ ମାଝୀ, ଜିଲ୍ଲା ପରିଷଦ ଉପାଧ୍ୟକ୍ଷ ସୋମନାଥ ଦାସ ପ୍ରମୁଖ କାର୍ଯ୍ୟକ୍ରମରେ ସାମିଲ ଥିଲେ ।
Popular Categories
Previous article
Next article