ସମ୍ବାଲପୁର : ସମ୍ବଲପୁରର ଜିଲା ମୁଖ୍ୟ ଡାକ୍ତରଖାନା ପରିସରରେ ଥିବା ଶିଶୁ ଓ ମାତୃ ମଙ୍ଗଳ ୱାର୍ଡରେ ସୋମବାର ଅଗ୍ନିକାଣ୍ଡ ଘଟିଛି । ୱାର୍ଡର ପ୍ରଥମ ମହଲାରେ ଥିବା ଡାକ୍ତର ଓ ନର୍ସଙ୍କ କୋଠରୀରେ ଥିବା ଏକ କାନ୍ଥ ପଙ୍ଖାରେ ବିଦ୍ୟୁତ ସଟସାର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିଲା। ଫଳରେ ନିଆଁ ହୁଳା ଗୁଡିକ ଦୂରକୁ ଫିଙ୍ଗି ହୋଇ ଯାଇ ସେଠାରେ ଥିବା ଖଟ, ଗଦି ଆଦି ଆସବାପତ୍ରରେ ନିଆଁ ଲାଗି ଯାଇଥିଲା। ଚାହୁଁ ଚାହୁଁ ନିଆଁ ଓ ଧୂଆଁ ବ୍ୟାପିବାରୁ ସେଠାରେ ଲାଗିଥିବା ଅଗ୍ନି ସୁରକ୍ଷା ଆର୍ଲାମ ବାଜିଥିଲା। ଖବର ପାଇ ଅଗ୍ନିଶମ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିବା ବେଳେ ଧୁଆଁରେ କୋଠାଟି ଭର୍ତ୍ତି ହୋଇ ଯାଇଥିବାରୁ ଶିଶୁ, ମାଆ ଓ ପରିଜନଙ୍କୁ ଉଦ୍ଧାର କରାଯାଇ ଅନ୍ୟତ୍ର ସ୍ଥାନାନ୍ତରିତ କରାଯାଇଥିଲା । ଏହି ଦୁର୍ଘଟଣାରେ କୌଣସି ଧନଜୀବନ ହାନି ଘଟି ନ ଥିବା ବେଳେ ଅଳ୍ପକେ ଏକ ବଡ ଦୁର୍ଘଟଣାରୁ ସମସ୍ତେ ବର୍ତ୍ତି ଯାଇଛନ୍ତି । ଅପରପକ୍ଷରେ ଏହି କୋଠାରେ ଅଗ୍ନି ନିର୍ବାପକର ବ୍ୟବସ୍ଥା ଥିବା ବେଳେ ସରକାରୀ ନିୟମାବଳୀ ଅନୁଯାୟୀ ବ୍ୟବସ୍ଥା ନ ଥିବାରୁ ଅଗ୍ନିଶମ ବିଭାଗର କ୍ଲିୟରାନ୍ସ ଏ ପର୍ଯ୍ୟନ୍ତ ମିଳି ପାରି ନାହିଁ ବୋଲି ଜଣାପଡିଛି।
Popular Categories
Previous article
Next article