ଆଠଗଡ : ଆଠଗଡ ଉପଖଣ୍ଡ ସାମ୍ବାଦିକ ସଂଘ ଆନୁକୁଲ୍ୟରେ ସ୍ଥାନୀୟ ଯଜ୍ଞ ନାରାୟଣ ମନ୍ଦିର ପ୍ରାଙ୍ଗଣରେ ଶ୍ରମିକ ଦିବସ ପାଳନ ଅବସରରେ ୩ଜଣ ଶ୍ରମିକଙ୍କୁ ସମ୍ବର୍ଦ୍ଧିତ କରାଯାଇଥିଲା। ସଂଘର ସଭାପତି ସଚ୍ଚିଦାନନ୍ଦ ପଣ୍ଡାଙ୍କ ପୌରୋହିତ୍ୟରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ସାହିତ୍ୟିକ ଓ ସମାଲୋଚକ ଡଃ ନାରାୟଣ ପଣ୍ଡା ଯୋଗଦେଇ ଶ୍ରମିକ ଦିବସର ଅନୁଚିନ୍ତା ଏବଂ ଶ୍ରମିକଙ୍କର ଦେଶ ତଥା ବିଶ୍ୱର ବିକାଶ କ୍ଷେତ୍ରରେ ଅବଦାନ ସଂପର୍କରେ ଆଲୋକପାତ କରିଥିଲେ। ଏଥିରେ ଅତିଥି ଭାବେ ଯୋଗଦେଇଥିବା ଉପଖଣ୍ଡର ଶିକ୍ଷକନେତା ସୁରେଶ ଚନ୍ଦ୍ର ପରିଡା, ରାଜ୍ୟ କର୍ମଚାରୀ ସଂଘର ପୂର୍ବତନ ସଭାପତି ଅଶୋକ କୁମାର ଦାଶ, ସାମ୍ବାଦିକ ସୁଧିରଞ୍ଜନ ଦାଶ, ଯଶୋବନ୍ତ ବାରିକ, କଟକ ଜିଲ୍ଲା ବିଜେପି କୃଷକ ମୋର୍ଚ୍ଚା ସଭାପତି ଶଙ୍କର୍ଷଣ ମହାନ୍ତି, ଆଇନଜୀବୀ ଜଗଦାନନ୍ଦ ତ୍ରିପାଠୀ ଓ ଆଇନଜୀବୀ ପ୍ରକାଶ କୁମାର ସେଠୀ ଉଦ୍ବୋଧନ ଦେଇଥିଲେ। କଟକ ଜିଲ୍ଲା ସାମ୍ବାଦିକ ସଂଘର ସଭାପତି ଲଲାଟେନ୍ଦୁ ସେନାପତିଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅରୁଣ ପ୍ରଧାନ, ଗଗନ ବିହାରୀ ବେହେରା ଓ ରବିନ୍ଦ୍ର ପଳୋଉ ପ୍ରମୁଖ ୩ଜଣ ଶ୍ରମିକଙ୍କୁ ସମ୍ବର୍ଦ୍ଧିତ କରାଯାଇଥିଲା। ସାମ୍ବାଦିକ ବିଜୟ କୁମାର ନାୟକ ଓ ସନ୍ତୋଷ ବାରିକ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିବାବେଳେ ଉପସଭାପତି ସର୍ବେଶ୍ୱର ପଣ୍ଡା ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article