ଗୁଡଭେଲା : ତୁଷୁରା ଥାନା ଅନ୍ତର୍ଗତ ଭୂଆପଡା ଗାଁରେ ଜମିବାଡି ବିବାଦରୁ ଭାଉଜକୁ ହତ୍ୟା କରିଥିବା ସମ୍ପର୍କିୟ ଦିଅରକୁ ତୁଷୁରା ପୁଲିସ ଗରିଫ କରିବା ସହ ଆଜି ଅଦାଳତ ଚାଲାଣ କରାଯାଇଛି । ମୃତ ମହିଳା ସିମାଞ୍ଜଳିଙ୍କ ସ୍ବାମୀ ଧନବରଙ୍କ ଅଭିଯୋଗ ଅନୁସାରେ, ବିଦୁଭୂଷଣ ମାଝୀଙ୍କ ଆଉ ୫ଜଣ ଭାଇ ମିଶି ହତ୍ୟା କରିଛନ୍ତି। ହେଲେ ବିଦୁଭୂଷଣ ମୁଁ ଏକା ହତ୍ୟା କରିଛି ବୋଲି ଦୋଷ ସ୍ବୀକାର କରିଥିଲେ । ଧନବରଙ୍କ ଅଭିଯୋଗକୁ ଭିତ୍ତି କରି ୬ ଜଣଙ୍କ ମଧ୍ୟରୁ ଜଣଙ୍କୁ ଅଦାଲତ ଚାଲାଣ କରାଯାଇଛି। ଏଥିସହ ଦୁଇ ଜଣଙ୍କୁ ପୁଲିସ ଅଟକ ରଖି ପଚରା ଉଚୁରା କରୁଥିବା ବେଲେ ଆଉ ତିନି ଜଣ ଭାଇ ଫେରାର ଥିବା ଚର୍ଚ୍ଚା ହେଉଛି । ତେଣୁ ଦିନ ୧୦ଟା ସମୟରେ ବିଚ୍ ରାସ୍ତାରେ ସ୍ବାମୀଙ୍କ ଉପସ୍ଥିତରେ ବିଦୁଭୂଷଣ କିପରି ହତ୍ୟା କଲା ସେନେଇ ସନ୍ଦେହ ସୃଷ୍ଟି ହୋଇଛି । ବିଦୁଭୂଷଣ ଏକା ନା ଅନ୍ୟ ଭାଇମାନେ ମିଶି ହତ୍ୟାକାଣ୍ଡ ଭିଆଇଛନ୍ତି ତାହା ତଦନ୍ତ ସାପେକ୍ଷ ରହିଛି ।
ସେହିପରି ଧନବର ନିଜର ସୁରକ୍ଷା ତଥା ନିଜର ହକ୍ ପାଇବା ପାଇଁ ତୁଷୁରା ଥାନାର ଦ୍ବାରସ୍ଥ ହୋଇ ବିଦୁଭୂଷଣଙ୍କ ୫ ଭାଇ ଓ ଗାଁର କିଛି ଲୋକଙ୍କ ନାଁରେ ବାରମ୍ବାର ଅଭିଯୋଗ କରିଥିଲେ। ମାତ୍ର ମାମଲା ରୁଜୁ କରି ନୋଟିସ ଦେଇ ନିଜର କାମ ସାରିଦେଇଥିଲା ତୁଷୁରା ପୁଲିସ । ଯଦ୍ବାରା ଏକ ନିରୀହ ଜୀବନ ଚାଲିଗଲା।
Comments are closed.