ଶୁକ୍ରବାର ରାଶିଫଳ ୨୯.୦୪.୨୦୨୨

ମେଷ: ସର୍ବାଙ୍ଗୀଣ ଉନ୍ନତି ଆଶା କରାଯାଏ। ରାଜଯୋଗ ଅଛି। ବିବାଦୀୟ ବିତର୍କରୁ ଓହରିଯାଇପାରନ୍ତି। ଚଞ୍ଚଳ ଚେଷ୍ଟିତ ହେବେ। କଥାର ମାଧୁରିମା ପରକୁ ଆପଣାର କରିପାରେ।
ବୃଷ: କୌଶଳରେ କାର୍ଯ୍ୟ ହାସଲ କରିପାରନ୍ତି। ଚିନ୍ତାମୁକ୍ତ ହେବେ। ବିଭିନ୍ନ ସୂତ୍ରରୁ ଅର୍ଥ ପ୍ରାପ୍ତିର ସୂଚନା ମିଳୁଛି। ଅଧିକ ଜ୍ଞାନ ଅର୍ଜନ ପାଇଁ ଆଗ୍ରହୀ ହେବେ। ସତ୍‌କର୍ମରେ ନିୟୋଜିତ ହେବେ।
ମିଥୁନ: ଗୁରୁକୃପା ଲାଭ କରିପାରନ୍ତି। ଆୟ ବୃଦ୍ଧିର ସୂଚନା ମିଳୁଛି। ସାଧନାରେ ସିଦ୍ଧିପ୍ରାପ୍ତ ହେବେ। ନୃତ୍ୟ, ସଙ୍ଗୀତ ପ୍ରିୟ ହେବେ। ଉପଯୁକ୍ତ କର୍ମାନୁରକ୍ତ ହୋଇପାରନ୍ତି। ସରକାରୀ ସ୍ତରରୁ ଅର୍ଥ ପ୍ରାପ୍ତ ହେବେ।
କର୍କଟ: ଦିନଟି ସୁଖକର ହେବ। କାର୍ଯ୍ୟରେ ଅପୂର୍ବ ସଫଳତା ମିଳିବ। ଅଧିକ କ୍ଷମତା ହାସଲ କରି ତା’ର ସଦ୍‌ ବ୍ୟବହାର କରିପାରନ୍ତି। ପ୍ରତିଯୋଗିତାରେ କୃତିତ୍ବ ଅର୍ଜନ କରିବେ। ବିବାଦରେ ବିଜୟୀ ହେବେ।
ସିଂହ: କେତେକ ଘଟଣାରେ ଭୁଲ ବୁଝାମଣା ଘଟିପାରେ। ଅଯଥାରେ ଅପଯଶର ଶିକାର ହୋଇପାରନ୍ତି। ଧୈର୍ଯ୍ୟ ଓ ସାହସର ସହିତ ବିପଦର ମୁକାବିଲା କରିପାରନ୍ତି। ସାରାଦିନ ସତର୍କରେ ରହିବାକୁ ପଡ଼ିବ।
କନ୍ୟା: ଦିନଟିରେ ଭ୍ରମଣ ସୁଖଦାୟକ ହେବ। ସୁଖକର ଘଟଣାମାନ ଘଟିବ। କର୍ମକ୍ଷେତ୍ରରୁ ଅପୂର୍ବ ସଫଳତା ମିଳିବ। ନିର୍ଭୀକ ଓ କୀର୍ତ୍ତିମାନ୍‌ ହେହେ। ଧର୍ମୀୟ କାର୍ଯ୍ୟରେ ନିଜକୁ ନିୟୋଜିତ କରି ଶାନ୍ତି ଲାଭ କରିବେ।
ତୁଳା: ବନ୍ଧୁ ଓ ପଡ଼ୋଶୀଙ୍କ ସହାୟତା ମିଳିବ। ଶତ୍ରୁ ବିନାଶ କରି ମାନସିକ ଶାନ୍ତି ଫେରିପାଇବେ। ସାରାଦିନ କାର୍ଯ୍ୟବ୍ୟସ୍ତ ରହିବେ। ଲୋକଙ୍କ ବିରୋଧୀ ହେଲେ ବି ରାଜ ଦରବାରରୁ ସମ୍ପଦ ପ୍ରାପ୍ତ ହେବେ।
ବିଛା: ଶୁଭାଶୁଭ ମିଶ୍ରିତ ଫଳ ମିଳିବ। ମନୋହର ବକ୍ତବ୍ୟ ଦ୍ବାରା ସମସ୍ତଙ୍କୁ ନିଜ ମତାମତ ଆଡ଼କୁ ଆକର୍ଷିତ କରିପାରନ୍ତି। ଅର୍ଥ ପ୍ରାପ୍ତିର ସୂଚନା ମିଳୁଛି। ବିଦ୍ୟାଧ୍ୟାୟୀ ହେବେ। ଲୋକସେବା କରି ସୁନାମ ଅର୍ଜନ କରିବେ।
ଧନୁ: ଶତ୍ରୁ ବିଜୟୀ ହେବେ। କୃଷିକାର୍ଯ୍ୟରୁ ଲାଭବାନ୍‌ ହେବେ। ଯାନ-ବାହନ ସୁଖ ମିଳିପାରେ। ବାସଗୃହ ପରିବେଶ ଉତ୍ତମ ମାନର ହେବ। ଭାଇମାନଙ୍କ ମଧ୍ୟରେ ଶ୍ରେଷ୍ଠ ହେବେ। ଧର୍ମକୁ ଆଦରି ନେବେ।
ମକର: କାର୍ଯ୍ୟରେ ସଫଳତା ଲାଭ କରିବେ। ଆର୍ଥିକ ସ୍ଥିତିରେ ସ୍ବଚ୍ଛଳତା ଦେଖାଦେବ। ସରକାରୀ ସ୍ତରରୁ ଲାଭ ଉଠାଇବାକୁ ସକ୍ଷମ ହେବେ। ଧନସମ୍ପଦ ଭରପୂର ରହିବ।
କୁମ୍ଭ: କର୍ମକ୍ଷେତ୍ରରେ ପ୍ରତିଷ୍ଠା ଲାଭ କରିବେ। କାର୍ଯ୍ୟ ହାସଲ କରିବେ; ମାତ୍ର ବିଳମ୍ବରେ। ବିଭିନ୍ନ ସ୍ତରରୁ ଅର୍ଥାଗମର ସୂଚନା ମିଳୁଛି। ପରର ପୀଡ଼ାକୁ ଅନୁଭବ କରିପାରୁଥିବାରୁ ବୈଷ୍ଣବ ପଦବାଚ୍ୟ ହୋଇପାରନ୍ତି।
ମୀନ: କୁଶଳ ସମାଚାର ପାଇ ମନ ପ୍ରସନ୍ନ ରହିବ। ମୂଲ୍ୟବାନ୍‌ ଦ୍ରବ୍ୟ ଲାଭର ସୂଚନା ମିଳୁଛି। ଭଲ ଆୟ ହେବ। ସରକାରୀ ବା ବନ୍ଧୁ ସୂତ୍ରରୁ ଲାଭବାନ୍‌ ହେବେ। ସୁସ୍ବାଦୁ ଭୋଜନ ମିଳିବ। ଚିନ୍ତାଧାରା ଉନ୍ନତମାନର ହେବ।