ଚୌଦ୍ୱାର: ଚୌଦ୍ୱାର ପୌରପାଳିକା ୧୬ ନମ୍ବର ୱାର୍ଡ଼ ଅନ୍ତର୍ଗତ ଦୌଲତାବାଦସ୍ଥିତ ନିଗମାନନ୍ଦ ବାଳିକା ଉଚ୍ଚ ବିଦ୍ୟାଳୟରେ ୧୦ମ ଶ୍ରେଣୀର ଛାତ୍ରୀ ମାନଙ୍କୁ ମୋବାଇଲ ଫୋନ୍ ବଣ୍ଟନ କରାଯାଇଛି । ଭୁବନେଶ୍ୱରସ୍ଥିତ ବିନୟ ମିଶ୍ର ଫାଉଣ୍ଡେସନ୍ ତରଫରୁ ବିଦ୍ୟାଳୟର ମେଧାବୀ ଛାତ୍ରୀ ମାନଙ୍କୁ ଏହି ସ୍ମାର୍ଟ ଫୋନ୍ ପ୍ରଦାନ କରାଯାଇଛି ।ଏହି ଉପଲକ୍ଷେ ବିଦ୍ୟାଳୟରେ ଆୟୋଜିତ ଏକ ଉତ୍ସବରେ ଫାଉଣ୍ଡେସନ୍ର ପ୍ରକଳ୍ପ ଅଧିକାରୀ ମିଜୁଲ ଦାସ ଅତିଥି ଭାବେ ଯୋଗଦେଇ ୧୦ମ ଶ୍ରେଣୀରେ ପଢ଼ୁଥିବା ୧୦ଜଣ ମେଧାବୀ ଛାତ୍ରୀଙ୍କୁ ଫୋନ୍ ପ୍ରଦାନ କରିବା ସହିତ ଏହି ଫୋନ୍ ମାଧ୍ୟମରେ ଡିଜିଟାଲ ପାଠପଢ଼ା ଓ ଅନଲାଇନ ଶିକ୍ଷାଦାନ ପିଲାମାନଙ୍କ ପାଇଁ ଅତ୍ୟନ୍ତ ସହାୟକ ହେବ ବୋଲି ପ୍ରକାଶ କରିଥିଲେ । ପ୍ରଧାନ ଶିକ୍ଷୟତ୍ରୀ ପ୍ରତିମା ପ୍ରଧାନ ବିଦ୍ୟାଳୟର ଶିକ୍ଷାଦାନ ସମ୍ପର୍କରେ ସୂଚନା ପ୍ରଦାନ କରି ବିଦ୍ୟାଳୟ ତଥା ଏହାର ଛାତ୍ରୀ ମାନଙ୍କୁ ସହାୟତା ପ୍ରଦାନ ପାଇଁ ଫାଉଣ୍ଡେସନର ସମସ୍ତ କର୍ମକର୍ତ୍ତାଙ୍କୁ କୃତଜ୍ଞତା ଜଣାଇଥିଲେ।
Popular Categories
Previous article
Next article