ବାଲେଶ୍ୱର : ପଣପଣା ନିକଟସ୍ଥ ୧୬ ନମ୍ବର ଜାତୀୟ ରାଜପଥରେ ଏକ ସଡ଼କ ଦୁର୍ଘଟଣାରେ ନୂଆପଡ଼ା ଗ୍ରାମର ନରେନ୍ଦ୍ର ଜେନା(୫୮) ଗୁରୁତର ହୋଇଛନ୍ତି। ସେ ସାଇକେଲରେ ଯାଉଥିବା ବେଳେ ତାଙ୍କୁ ପିକ୍ଅପ୍ ଭ୍ୟାନ୍ ଧକ୍କା ଦେଇଥିଲା। ପ୍ରଥମେ ତାଙ୍କୁ ନିକଟସ୍ଥ ଡାକ୍ତରଖାନାକୁ ନିଆଯାଇଥିଲା। ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ପରେ ବାଲେଶ୍ୱର ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ସୂଚନା ଅନୁସାରେ, ପିକ୍ଅପ୍ ଭ୍ୟାନ୍ଟି ଖଣ୍ଟପଡ଼ାରୁ ଗୋପାଳପୁର ଯାଉଥିବାବେଳେ ଏହି ଦୁର୍ଘଟଣା ଘଟିଥିଲା। ଦୁର୍ଘଟଣାରେ ପିକ୍ଅପ୍ ଭ୍ୟାନ୍ଟି ମଧ୍ୟ ଓଲଟିପଡ଼ିଛି।
