ବାଙ୍କୀ : ବାଙ୍କୀ ବ୍ଲକ ସରଣ୍ଡା କନିଷ୍ଠ ମହାବିଦ୍ୟାଳୟରେ ମଙ୍ଗଳବାର ଦିନ ଆତ୍ମରକ୍ଷା କୌଶଳ ପ୍ରଶିକ୍ଷଣ ଉଦ୍ଦ୍ଘାଟିତ ହୋଇଯାଇଛି। କନିଷ୍ଠ ମହାବିଦ୍ୟାଳୟର ୧ମ ବର୍ଷର ନବାଗତ ୩୭ଜଣ ଛାତ୍ରୀ ଏହି ପ୍ରଶିକ୍ଷଣ ଶିବିରରେ ଯୋଗଦେଇ ଆତ୍ମରକ୍ଷା କୌଶଳ ପ୍ରଶିକ୍ଷଣ ଗ୍ରହଣ କରିଛନ୍ତି। ମହାବିଦ୍ୟାଳୟର ଅଧ୍ୟକ୍ଷ ପ୍ରଦୀପ କୁମାର ବେଉରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦ୍ଦ୍ଘାଟନୀ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବାଙ୍କୀ କେନ୍ଦ୍ର ସମବାୟ ବ୍ୟାଙ୍କର ପୂର୍ବତନ ସଭାପତି ସୁବାଷ ପାଢୀ,ସମ୍ମାନୀତ ଅତିଥି ଭାବରେ ସରଣ୍ଡା ଉନ୍ନୟନ ପରିଷଦର ସଭାପତି ତଥା କନ୍ତପହଁରା ପଞ୍ଚାୟତର ସରପଞ୍ଚ ଗତିକୃଷ୍ଣ ସ୍ୱାଇଁ ପ୍ରମୁଖ ଯୋଗଦେଇ ରାଜ୍ୟ ସରକାରଙ୍କ ପକ୍ଷରୁ ସ୍ୱତନ୍ତ୍ର ଭାବରେ ମହାବିଦ୍ୟାଳୟ ସ୍ତରରେ ଯୁବତୀ ମାନଙ୍କୁ ଆତ୍ମସୁରକ୍ଷା ପ୍ରଶିକ୍ଷଣ ପ୍ରଦାନ କରିବା ଏକ ଶୃଙ୍ଖଳିତ ଆହ୍ୱାନ ବୋଲି ପ୍ରକାଶ କରି ପ୍ରତ୍ୟେକ ଛାତ୍ରୀ ପ୍ରଶିକ୍ଷଣ ଗ୍ରହଣ କରି ନିଜେ ବିପଦ ସମୟରେ ଆତ୍ମ ସୁରକ୍ଷାର ବିଶ୍ୱାସନିଅ ପଦକ୍ଷେପ ନେବାପାଇଁ ଆହ୍ୱାନ ଜଣାଇଛନ୍ତି। ଅଧ୍ୟାପିକା ମମତା ଶତପଥି,ପୁଷ୍ପଲତା ରାଉତ,ପଙ୍କଜ ଲୋଚନ ଗୋଚ୍ଛୀ,ବିଜୟ କୁମାର ସାହୁ,ସଦାଶିବ ଦାସ ପ୍ରମୁଖ ଉପସ୍ଥିତ ଥିଲେ। କାର୍ଯ୍ୟକ୍ରମ ଅଧିକାରୀ ଅଧ୍ୟାପିକା ଶୁଭଶ୍ରୀ ପଟ୍ଟନାୟକଙ୍କ ସଞ୍ଚାଳନରେ ପ୍ରଶିକ୍ଷିକା ଦୀପାଞ୍ଜଳି ପଟ୍ଟମାଝି ଶିବିରାର୍ଥୀ ମାନଙ୍କୁ ପ୍ରଶିକ୍ଷଣ ଦେଇଛନ୍ତି। ଦୀର୍ଘ ୮ଦିନ ବ୍ୟାପୀ ଏହି ପ୍ରଶିକ୍ଷଣ ସକାଳ ୭ଟା୩୦ରୁ ୮ଟା ୩୦ପର୍ଯ୍ୟନ୍ତ ୧ଘଣ୍ଟା ଧରି ମହାବିଦ୍ୟାଳୟ ପରିସରରେ ଅନୁଷ୍ଠିତ ହେବ ବୋଲି ଅଧ୍ୟକ୍ଷ ସୂଚନା ଦେଇଛନ୍ତି। ପ୍ରଶିକ୍ଷଣ କାର୍ଯ୍ୟକ୍ରମରେ ଅନିତା ସାମଲ ସହଯୋଗ କରିଥିଲେ।
Popular Categories
Previous article
Next article