ପାଟଣା: କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ ମୁରୁସୁଆଁ ପଞ୍ଚାୟତ ଡେଣୁଆ ଗ୍ରାମରେ ଅଙ୍ଗନବାଡି ଦିଦିଙ୍କୁ ମାଡ଼ ମାରିବା ଅଭିଯୋଗରେ ଜଣେ ଯୁବକ ଗିରଫ ହୋଇଛନ୍ତି। ଗିରଫ ଯୁବକ ଗ୍ରାମର ରଇଦାସ ମୁଣ୍ଡା (୨୦) ବୋଲି ଜଣାପଡିଛି। ଅଭିଯୋଗ ଅନୁଯାୟୀ ଶୁକ୍ରବାର ଦିନ ମୋହନ ମୁଣ୍ଡାଙ୍କ ପୁଅ ରଇଦାସ ମୁଣ୍ଡା ଅଙ୍ଗନବାଡ଼ି ଦିଦି ରୁକ୍ମିଣୀ ସାହୁଙ୍କୁ ଅଣ୍ଡା ଓ ଛତୁଆ ମାଗିଥିଲେ । ଦିଦି ଅଣ୍ଡା ନଦେବାରୁ ମୋହନ ମୁଣ୍ଡା ଅଙ୍ଗନବାଡ଼ି ଦିଦିଙ୍କୁ ଗାଳିଗୁଲଜ କରିବା ସହ ମାଡ ମାରିଥିଲେ। ଏନେଇ ଅଙ୍ଗନବାଡ଼ି ଦିଦି ରୁକ୍ମଣୀ ତୁରୁମୁଙ୍ଗା ଥାନାରେ ଅଭିଯୋଗ କରିଥିଲେ। ଅଭିଯୋଗ ପାଇବା ପରେ ଥାନାରେ କେସ ନମ୍ବର ୪୩/୨୦୨୨ ରେ ଏକ ମାମଲା ରୁଜୁ କରି ଥାନା ଏଏସ୍ଆଇ ସୁଜାତା ମହାନ୍ତ ଘଟଣାର ତଦନ୍ତ କରିବା ସହ ଆଜି ଅଭିଯୁକ୍ତ ରଇଦାସ ମୁଣ୍ଡାଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।
Comments are closed.