କଣ୍ଟାବାଞ୍ଜି: ବଲାଙ୍ଗୀର ଜିଲାପାଳ ଚଞ୍ଚଳ ରାଣା କଣ୍ଟାବାଞ୍ଜି ଡାକ୍ତରଖାନା ପରିଦର୍ଶନ କରି ଫେରିଯାଇଛନ୍ତି । ପରିଦର୍ଶନ ସମୟରେ ଟିଟିଲାଗଡ ଉପଜିଲାପାଳ, ଜିଲା ମୁଖ୍ୟ ଚିକିତ୍ସା ଅଧିକାରି, ତହସିଲଦାର ପ୍ରମୁଖ ଉପସ୍ଥିତ ଥିଲେ। ଜିଲାପାଳ ପ୍ରଥମେ ଡାକ୍ତରଖାନା ଭିତରେ ଥିବା ମା’ ଓ ଶିଶୁ (ଏମଚିଏଚ) ଡାକ୍ତରଖାନା ପରିଦର୍ଶନ କରିଥିଲେ। ପୂର୍ବରୁ ମୁଖ୍ୟମନ୍ତ୍ରୀ ଏହି ଡାକ୍ତରଖାନା ଉଦଘାଟନ କରିଥିବା ବେଳେ କିଛି ଦିନ ପରେ ଏହା କାର୍ଯ୍ୟକ୍ଷମ ହୋଇଯିବ ବୋଲି ଜିଲାପାଳ କହିଥିଲେ । ଏମସିଏଚ ପାଇଁ ଦରକାର ପଡୁଥିବା ଅନେକ ସାମଗ୍ରୀ ଯୋଗାଇ ଦେବା ସହ ଆଗାମୀ ୭ଦିନ ମଧ୍ୟରେ ସମ୍ପୁର୍ଣ୍ଣ କାର୍ୟ୍ୟକ୍ଷମ କରାଯିବ ଏବଂ ବିଭିନ୍ନ ୱାର୍ଡରେ ଦରକାର ପଡୁଥିବା କର୍ମଚାରୀ ମାନେ ମଧ୍ୟ ନିୟୋଜିତ କରାଯିବ ବୋଲି ଜିଲ୍ଲାପାଳ କହିଛନ୍ତି। ଅନ୍ୟପକ୍ଷରେ ଡାକ୍ତରଖାନା ମଧ୍ୟ ସେ ବୁଲି ଅନ୍ୟ ସବୁ ସମସ୍ୟାର ଆଲୋଚନ କରିଛନ୍ତି। ଏହାପରେ ଜିଲାପାଳ ଡାକ୍ତରଖାନାର ରୋଗୀ ମାନଙ୍କ ୱାର୍ଡ ପରିଦର୍ଶନ କରିଥିଲେ ଏବଂ ରୋଗୀମାନଙ୍କୁ ସୁବିଧା ଅସୁବିଧା ପଚାରି ବୁଝିଥିଲେ। ଡାକ୍ତରଖାନାରେ ଦେଖାଯାଉଥିବା ବିଭିନ୍ନ ସମସ୍ୟା ଶୀଘ୍ର କିଭଳି ସାମାଧାନ କରାଯିବ ସେନେଇ ଜିଲାପାଳ ଜିଲା ମୁଖ୍ୟଚିକିତ୍ସା ଅଧିକାରୀଙ୍କୁ ଅବଗତ କରିଥିଲେ। ଆଜିର ପରିଦର୍ଶନ ସମୟରେ ଟିଟିଲାଗଡ ଉପ ଜିଲାପାଳ ମନୋଜ ସତ୍ୟବାନ ମହାଜନ, କଣ୍ଟାବାଞ୍ଜି ତହସିଲଦାର ସମିର ବେହେରା, ଅତିରିକ୍ତ ତହସିଲଦାର ଯୋଗେଶ୍ୱର ଧରୁଆ, ମେଡ଼ିକାଲ ଅଫିସର ଏସପିଡି. ପଣ୍ଡା, ସହ ବିଭିନ୍ନ ସରକାରୀ ଅଫିସ ପ୍ରମୁଖ ଉପସ୍ଥିତ ଥିଲେ।
Comments are closed.