ବେଗୁନିଆ: ବେଗୁନିଆ ଥାନା ଅନ୍ତର୍ଗତ ଧାନଘରନୂଆଗାଁ ଗ୍ରାମର ହରିଜନ ସାହିରେ ବିଦ୍ୟୁତ ସଟସର୍କିଟ ଯୋଗୁଁ ଅଗ୍ନିକାଣ୍ଡ ଘଟି ୨ଟି ପରିବାରର ୩ ବଖରା ଘର ସହିତ ଘରେ ଥିବା ସମସ୍ତ ସମ୍ପତି ପୋଡି ନଷ୍ଟ ହୋଇଯାଇଛି । ଖବର ପାଇ ବେଗୁନିଆ ଅଗ୍ନିଶମ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବାରେ ସାହାଯ୍ୟ କରିଥିଲେ । ସମ୍ପୃକ୍ତ ଗ୍ରାମର ଶୁସମା ନାୟକଙ୍କ ଘରେ ସଟସର୍କିଟ ଯୋଗୁଁ ୨ ବଖରା ଘର ସହିତ ଗଦାଧର ନାୟକଙ୍କର ୧ ବଖରା ଘର ପୋଡି ନଷ୍ଟ ହୋଇଯାଇଛି । ଘରେ ଥିବା ଧାନ ଚାଉଳ ସହିତ ନିତ୍ୟ ବ୍ୟବହାର୍ଯ୍ୟ ଜିନିଷ ସବୁ ପୋଡି ନଷ୍ଟ ହୋଇଯାଇଛି । ତୁରନ୍ତ ସରକାରୀ ସାହାଯ୍ୟ ଯୋଗାଇଦେବା ପାଇଁ ଦାବି ହେଉଛି ।
Comments are closed.