ମସ୍କୋ : ସାମ୍ପ୍ରତିକ ଯୁଦ୍ଧରେ ୟୁକ୍ରେନ୍କୁ ସମର୍ଥନ କରୁଥିବା ଓ ରୁଷ୍ ଉପରେ କଟକଣା ଜାରି କରିଥିବା ଆମେରିକା, ବ୍ରିଟେନ୍, ଜାପାନ ସମେତ ୟୁରୋପୀୟ ସଂଘ ସଦସ୍ୟ ସଷ୍ଟ୍ରଙ୍କୁ ଅମିତ୍ର ବା ବୈରୀ ରାଷ୍ଟ୍ର ତାଲିକାଭୁକ୍ତ କରିଛନ୍ତି ରାଷ୍ଟ୍ରପତି ଭ୍ଲାଦିମିର ପୁତିନ। ସ୍ବାଭାବିକ ଭାବେ ୟୁକ୍ରେନ୍ ଏହି ତାଲିକାର ଅଗ୍ରଭାଗରେ ରହିଛି।
ସୋମବାର ରାଷ୍ଟ୍ରପତି ଏ ସଂକ୍ରାନ୍ତ ପ୍ରସ୍ତାବରେ ସ୍ବାକ୍ଷର କରିଛନ୍ତି। ତାଲିକାଭୁକ୍ତ ମୋଟ ୩୧ ରାଷ୍ଟ୍ର ମଧ୍ୟରେ ଅଛନ୍ତି କାନାଡ଼ା, ନରୱେ, ସିଙ୍ଗାପୁର, ଦକ୍ଷିଣ କୋରିଆ, ସ୍ବିଜରଲାଣ୍ଡ, ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ତାଇୱାନ ପ୍ରମୁଖ। ଏହାଦ୍ବାରା ଉକ୍ତ ରାଷ୍ଟ୍ରଗୁଡ଼ିକ ରୁଷିଆଠାରୁ କୌଣସି ସହାୟତା ପାଇପାରିବେ ନାହିଁ। ସେମାନଙ୍କ ସହ ଆର୍ଥିକ କାରବାର ସହ ମୁଦ୍ରା ବିନିମୟ ବନ୍ଦ ହେବ। ରୁଷିଆର ଏହି ନିଷ୍ପତ୍ତିର ଜବାବରେ ୟୁରୋପୀୟ ସଂଘ ପକ୍ଷରୁ ରୁଷିଆରୁ ଆଉ ତୈଳ ଆମଦାନୀ କରାଯିବ ନାହିଁ ବୋଲି ନିଷ୍ପତ୍ତି ନିଆଯାଇଛି। ଆମେରିକା ମଧ୍ୟ ଏହି ନିଷ୍ପତ୍ତି ଘୋଷଣା କରିବ ବୋଲି ସୂଚନା ମିଳିଛି।
ଏହି ପରିପ୍ରେକ୍ଷୀରେ ରୁଷିଆରେ ତୈଳ ଦର ଆକାଶ ଛୁଆଁ ହୋଇଛି। ସୋମବାର ୧୩୫ ରୁବେଲ ବୃଦ୍ଧିପାଇ ଏହା ବ୍ୟାରେଲ ପିଛା ପ୍ରାୟ ୩ହଜାର ରୁବେଲ ଛୁଇଁଛି।
