ଟିଟିଲାଗଡ଼ : ଆଜି ପ୍ରାର୍ଥୀ ପତ୍ର ଦାଖଲର ଅନ୍ତିମ ଦିବସରେ ତିନି ପ୍ରମୁଖ ରାଜନୈତିକ ଦଳ ପକ୍ଷରୁ ପୌରାଧ୍ୟକ୍ଷ ପ୍ରାର୍ଥୀନୀ ନାମାଙ୍କନ ଦାଖଲ କରିଛନ୍ତି । ପ୍ରଥମେ ପୂର୍ବତନ ମନ୍ତ୍ରୀ ସୁରେନ୍ଦ୍ର ସିଂ ଭୋଇ, ପିସିସି ସାଧାରଣ ସମ୍ପାଦକ ମୁକେଶ ଜୈନ, ବିକାଶ ପାଣିଗ୍ରାହୀ, ତୁଳସୀ ସାହୁ, ସୁମନ୍ତ ବେହେରା, ଜୟସିଂ ତାଣ୍ଡି ତଥା ବହୁ ସମର୍ଥକଙ୍କ ଉପସ୍ଥିତିରେ କଂଗ୍ରେସ ପ୍ରାର୍ଥୀନୀ କମଳିନୀ ସରାଫ ପ୍ରାର୍ଥୀ ପତ୍ର ଦାଖଲ କରିଥିଲେ । ପରେ ରାଜ୍ୟ ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ମନ୍ତ୍ରୀ ଟୁକୁନି ସାହୁଙ୍କ ଉପସ୍ଥିତିରେ ବିଜେଡି ପ୍ରାର୍ଥୀନୀ ସୁକାନ୍ତି ପାଢ଼ୀ ପ୍ରାର୍ଥୀ ପତ୍ର ଦାଖଲ କରିଥିଲେ । ଏହା ସହ ଦଳୀୟ ଜିଲା ସାଧାରଣ ସମ୍ପାଦକ ମୁକେଶ ଜୈନ, ଟିଟିଲାଗଡ଼ ନଗର ସଭାପତି ପ୍ରଶାନ୍ତ ଷଡ଼ଙ୍ଗୀ, ସାଂସଦ ପ୍ରତିନିଧି ଗୁଲାବ ସୋନି, ଚେୟାରମେନ ବାଗ, ବଜରଙ୍ଗ ଲାଲ ଗୋୟଲ ପ୍ରମୁଖଙ୍କ ଉପସ୍ଥିତିରେ ବିଜେପି ପ୍ରାର୍ଥୀନୀ ମମତା ଜୈନ ନିଜ ପ୍ରାର୍ଥୀ ପତ୍ର ଦାଖଲ କରିଛନ୍ତି । ଏହା ସହ ପୌର ପରିଷଦର ୧୫ଟି ୱାର୍ଡ ପାଇଁ ଅନେକ ପ୍ରାର୍ଥୀ ନାମାଙ୍କନ ଦାଖଲ କରିଛନ୍ତି । ତିନି ରାଜନୈତିକ ଦଳ ବିଶାଳ ଶୋଭାଯାତ୍ରାରେ ପହଞ୍ଚିଥିବା ବେଳେ ପୌର କାର୍ଯ୍ୟାଳୟରେ ପ୍ରବଳ ଭିଡ଼ ପରିଲକ୍ଷିତ ହୋଇଥିଲା । ଏନେଇ ପୁଲିସକୁ ନାକେଦମ ହେବାକୁ ପଡିଥିଲା । ଟିଟିଲାଗଡ଼ ଏସଡ଼ିପିଓ ସୁରେନ୍ଦ୍ରନାଥ ଶତପଥୀ, ଆଇଆଇସି ରଞ୍ଜନ ବରିହାଙ୍କ ସମେତ ବହୁ ସଂଖ୍ୟାରେ ପୁଲିସବଳ ମୁତୟନ ହୋଇଥିଲେ ।
Popular Categories
Previous article
Next article