ସ୍ମାର୍ଟଫୋନ୍ କିଣିବା ପରେ ବ୍ୟବହାକାରୀ ମୋବାଇଲ କଭର ନିଶ୍ଚୟ କିଣନ୍ତି । ମୋବାଇଲ କଭର ଫୋନ୍ କୁ କ୍ଷତି ହେବାରୁ ବଞ୍ଚାଇଥାଏ। ଏହାର ଯେତିକି ଲାଭ ଅଛି ସେତିକି କ୍ଷତି ମଧ୍ୟ । ଫୋନରେ ମୋବାଇଲ କଭର ଲାଗିଥିଲେ, ଫୋନ୍ ଗରମ ହୋଇଯାଏ ଓ ଯେବେ ଏଥିରୁ କଲ୍ କରାଯାଏ ଫୋନ୍ ର ଉତ୍ତାପ ଆମ ମସ୍ତିଷ୍କ ପର୍ୟ୍ୟନ୍ତ ପହଞ୍ଚେ। କେବଳ ଏତିକି ନୁହେଁ ଫୋନ୍ ରେ କଭର ଲଗାଇଲେ ମୋବାଇଲର ରେଡିଏସନ୍ ମାତ୍ରା ବଢ଼ିଯାଏ। ଏହା ବହୁତ କ୍ଷତିକାରକ ହୋଇପାରେ।
୧. ମୋବାଇଲ ଖରାପ ହେବାର ଅଧିକ ସମ୍ଭାବନା ଥାଏ : କଭର୍ ଦ୍ୱାରା ମୋବାଇଲ ବ୍ୟବହାକାରୀଙ୍କୁ ବହୁତ ଅସୁବିଧାର ସମ୍ମୁଖୀନ ହେବାକୁ ପଡିପାରେ । ଫୋନ୍ ଖରାପ ହେବାର ସମ୍ଭାବନା ଥାଏ । ଯଦି ବ୍ୟବହାକାରୀ ମେଟାଲ କଭର ବ୍ୟବହାର କରୁଛନ୍ତି, ତେବେ ତାକୁ ଫୋନରୁ ରିମୁଭ କରିବାରେ ବହୁତ ସମସ୍ୟାର ସାମନା କରିବାକୁ ପଡିଥାଏ ।
୨. ଫୋନ୍ ହୋଇପାରେ ଅତ୍ୟଧିକ ଗରମ : କିଛି ଏମିତି ମୋବାଇଲ କଭର୍ ଥାଏ ଯାହା ଖରାପ ଗୁଣାତ୍ମକ ମାନର ପ୍ଲାଷ୍ଟିକରେ ତିଆରି ହୋଇଥାଏ। ଏହା ଦ୍ୱାରା ଫୋନ୍ ବ୍ୟାଟେରୀ ଉପରେ ପ୍ରଭାବ ପଡିପାରେ । ଯାହା ଫଳରେ ଫୋନ୍ ଗରମ ହୋଇଯାଏ ଓ ତାହା ଫାଟିବାର ସମ୍ଭାବନା ବଢ଼ିଯାଏ।
୩ . ସିଗନାଲ ବ୍ଲକ୍ କରିଦିଏ : କିଛି ସ୍ମାର୍ଟଫୋନ୍ ନେଟୱର୍କ କ୍ୱାଲିଟି ଉପରେ ପ୍ରଭାବ ପକାନ୍ତି । ଯଦି ଫୋନ୍ ରେ କଭର୍ ଲାଗିଥାଏ, ତେବେ ଫୋନ୍ ରେ ନେଟୱର୍କର ବହୁତ ଅସୁବିଧା ହୋଇଥାଏ।
