ବାଙ୍କୀ: ବାଙ୍କୀ-ଡମପଡା ବ୍ଲକ ଅନ୍ତର୍ଗତ ବାଆଁରା ସ୍ଥିତ ଧୂଳିଆ ଷଣ୍ଢ ମନ୍ଦିର ପରିଷରରେ ରବିବାର ଏକ ଆଧ୍ୟାତ୍ମିକ ଆଲୋଚନା ଅନୁଷ୍ଠିତ ହୋଇଯାଇଛି। ଆଧ୍ୟାତ୍ମିକ ଗୁରୁ ସ୍ୱାମୀ ଆଦ୍ୟାନନ୍ଦ ସରସ୍ୱତୀ ଗ୍ରାମବାସୀମାନଙ୍କୁ ଭକ୍ତି, ଜ୍ଞାନ ଓ କର୍ମଯୋଗ ମଧ୍ୟରେ ସମନ୍ୱୟ ପ୍ରତିଷ୍ଠା ଏବଂ ପ୍ରତ୍ୟେକ ବ୍ୟକ୍ତି ଜନସେବାକୁ ନିଜର ଜୀବନର ଏକ ବ୍ରତ ରୂପେ ଗ୍ରହଣ କରିବାକୁ ପରାମର୍ଶ ଦେଇଥିଲେ। ମଣିଷ ସଂକୀର୍ଣ୍ଣ ଜାତିଆଣ ମନୋଭାବଠାରୁ ଊର୍ଦ୍ଧ୍ବରେ ରହି ମାନବିକତା ଉପରେ ଗୁରୁତ୍ୱ ପ୍ରଦାନ କରିବା ପାଇଁ ଆହ୍ୱାନ ଦେଇଥିଲେ। ବରିଷ୍ଠ ସାମ୍ବାଦିକ ତଥା ସମାଜସେବୀ ସତ୍ୟରାୟଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ସିବଶକ୍ତି ସିଦ୍ଧ ଯୋଗ ଆଶ୍ରମର ସଭାପତି ଇଂ. ଶଷୀଭୂଷଣ ସ୍ୱାଇଁ, ଇଂ. ତୁଷାରକାନ୍ତି ରାୟ, ଡକ୍ଟର ସରୋଜ ସ୍ୱାଇଁ ପ୍ରମୁଖ ଯୋଗଦେଇଥିଲେ। ସ୍ଥାନୀୟ ସମାଜସେବୀ ଗୌରାଙ୍ଗ ରାଉତ ସ୍ୱାଗତ ଭାଷଣ ଦେଇ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଆଶ୍ରମ ପକ୍ଷରୁ ଗରୀବ ବ୍ୟକ୍ତି ବିଶେଷଙ୍କୁ ନୂତନ ବସ୍ତ୍ର ଓ ମିଷ୍ଟାନ୍ନ ବଣ୍ଟନ କରାଯାଇଛି।
Comments are closed.