ପାଟଣା: ବିଭିନ୍ନ ସରକାରୀ ଧାନ ମଣ୍ଡିରେ ବ୍ୟାପକ ଅବ୍ୟବସ୍ଥା ଚାଷୀ ଅସନ୍ତୋଷକୁ ତୀବ୍ର କଲାଣି। ଘଟଣାକ୍ରମରେ ଆଜି ପାଟଣା ବ୍ଲକ ଅନ୍ତର୍ଗତ ଚେମଣା ଧାନ ମଣ୍ଡିରେ ୧୨୦ ଜଣ ଚାଷୀ ଧାନ ବିକ୍ରି ପାଇଁ ଜମା କରି ରଖିଥିବା ବେଳେ ଅପରାହ୍ନ ୪ଟା ସୁଦ୍ଧା ଧାନ କିଣାର ନାଁ ଗନ୍ଧ ନଥିବାରୁ ବାଧ୍ୟ ହୋଇ ଚାଷୀ ମାନେ ଟୋକନ ଲାପ୍ପ ହେବା ଆଶଙ୍କାରେ ଚେମଣାରେ ୪୯ ନମ୍ବର ଜାତୀୟ ରାଜପଥକୁ ଅବରୋଧ କରିଛନ୍ତି। ଯାହା ଫଳରେ ଗୁରୁତ୍ୱପୂର୍ଣ୍ଣ ମୁମ୍ବାଇ – କଲିକତା ଜାତୀୟ ରାଜପଥର ଚେମଣା ଛକର ଉଭୟ ପାର୍ଶ୍ଵରେ ଶହ ଶହ ଯାନବାହନ ଠିଆ ହୋଇ ରହିଛି। ଖବର ପାଇ ତୁରୁମୁଙ୍ଗା ଥାନାଧିକାରୀ ମଦନ ମୋହନ ନାଏକ ସଦଳ ବଳେ ଘଟଣାସ୍ଥଳରେ ପହଞ୍ଚି ପରିସ୍ଥିତି ଉପରେ ନଜର ରଖିଛନ୍ତି। ଅପରାହ୍ନ ୪ଟାରୁ ଆରମ୍ଭ ହୋଇଥିବା ଜାତୀୟ ରାଜପଥ ଅବରୋଧ ସନ୍ଧ୍ୟା ସାଢେ଼ ୭ଟା ଯାଏଁ ଅବରୋଧ ରହିଥିବା ଜଣାପଡିଛି। ବିଜେପି ନେତା ତଥା ୨୧ ନମ୍ୱର ଜିଲ୍ଲା ପରିଷଦ ପ୍ରାର୍ଥୀ ସତ୍ୟବ୍ରତ ନାଏକ, ଖିରେଇଟାଙ୍ଗିରୀ ସରପଞ୍ଚ ବନଜ କୁମାର ନାଏକ ଓ ଚେମଣା ସମିତି ସଭ୍ୟ ପ୍ରାର୍ଥୀ ମନୋଜ କୁମାର ମହାନ୍ତ ଚାଷୀଙ୍କ ସମର୍ଥନରେ ଅବରୋଧ ସ୍ଥଳରେ ଉପସ୍ଥିତ ଅଛନ୍ତି।
Popular Categories
Previous article
Next article