ବାଙ୍କୀ: ନିକଟରେ ବାଙ୍କୀ ଏନ.ଏ.ସିର ୮ଜଣ କର୍ମଚାରୀଙ୍କର ଅନ୍ୟତ୍ର ବଦଳି ହୋଇଛି। ଏହି ଅବସରରେ ବାଙ୍କୀ ବିଜ୍ଞାପିତ କ୍ଷେତ୍ର ପରିଷଦ କର୍ମଚାରୀ ସଂଘ ପକ୍ଷରୁ ବାତ୍ୟା ଆଶ୍ରୟସ୍ଥଳୀ ଠାରେ ବିଦାୟକାଳିନ ସମ୍ବର୍ଦ୍ଧନା ଉତ୍ସବ ରବିବାର ଦିନ ଅନୁଷ୍ଠିତ ହୋଇଛି। ସଂଘ ସଭାପତି ସନାତନ ବେହେରାଙ୍କ ସଭାପତିତ୍ୱରେ ସଂଚାଳିତ କାର୍ଯ୍ୟକ୍ରମରେ ସଂଘର ଉପଦେଷ୍ଟା ସନ୍ତୋଷ କୁମାର ରଣା ସମ୍ମାନିତ ଅତିଥି ଭାବରେ ଯୋଗଦେଇ ବଦଳି ହୋଇଥିବା କର୍ମଚାରୀମାନଙ୍କୁ ପୁଷ୍ପ ଓ ଉତ୍ତରୀୟ ଦେଇ ସମ୍ବର୍ଦ୍ଧନା ଜଣାଇଛନ୍ତି।
ଟିକସ ଆଦାୟକାରି କର୍ମଚାରୀ ସଂଜୟ କୁମାର ପ୍ରଧାନ, ପ୍ରମୋଦ କୁମାର ବାରିକ, ପିତାମ୍ବର ନାୟକ, ସନ୍ତୋଷ କୁମାର ପଟ୍ଟନାୟକ, ଲାଇନ୍ମ୍ୟାନ୍ ଅଶୋକ ବେହେରା, ରୋଗୀବୁହା ଗାଡି ହେଲ୍ପର ପ୍ରଦୀପ କୁମାର ରାଉତ, ୪ର୍ଥ ଶ୍ରେଣୀ କର୍ମଚାରୀ ଫକୀର ଚରଣ ମହାପାତ୍ର, ବାବାଜି ମହାପାତ୍ର, ଗୁରୁବାରୀ ପ୍ରଧାନ ପ୍ରମୁଖଙ୍କୁ ସମ୍ବର୍ଦ୍ଧିତ କରାଯାଇଛି। କାର୍ଯ୍ୟକ୍ରମରେ କନିଷ୍ଠ କିରାଣୀ ବିମାନ ଦଳେଇ, କୋଷାଧ୍ୟକ୍ଷ ରଶ୍ମିତ ରାଉତ ସମସ୍ତଙ୍କୁ ଧନ୍ୟବାଦ ଦେଇଥିଲେ। କର୍ମଚାରୀ ରୁଦ୍ରନାରାୟଣ ପତି, ରାମଚନ୍ଦ୍ର ମଙ୍ଗୁଆଳ, ବିଜୟ ରାଜ, ଗଗନ ପଲାଉର, କିଶୋର ମହାପାତ୍ର ପ୍ରମୁଖ ବିଦାୟ କାଳିନ ସମ୍ବର୍ଦ୍ଧନାକୁ ସହଯୋଗ ଓ ପରିଚାଳନା କରିଥିଲେ।
